2022-08-24 02:16:11
*((قصـيدة للسيدة رقية عليها السلام))*
*عندما استيقضت مولاتنا رقيه من نومها وهي في خربة الشام رأت اباها الحسين ع في المنام وهي مرعوبه تصرخ وتنادي عمه زينب اين والدي الحسين ع الان رايته اريد ان اراه ولسان حالها وهي تخاطب عمتها زينب ع تگلها*....
__
عمه زينب،،،، فدوه ابوي اليوم اريده
عمه زينب،،، عــــدل لــو حزوا وريده
شفته توني بالحلم
يگلي بويه ويبتسم
عمه زينب،،، عمه زينب
شفته توني بحلم عــمه أگعدت يــمه
نمت بحضانه وشبگته وگمت اشمه
بويه مشتاگه الحـنانك گــلي جـــلمه
مـطـشـر تشوف الشمل حتى تلمـــه
خبر اسمع وانصدم
يگلي بويه ويبتسم
عمه زينب،،، عمه زينب
*آم صــــ ــــآدق آلمـنصـوري*
ماتجي تـــــــلمه شمــلنه هايغـالي
بيد ظالم هالبقــينه بلايــــه والي
بويه مو حال اليتيمه صار حالي
وياك اخذني حيل مشتاگه لدلالي
حيلي من عندي انهدم
يــگلي بويــه ويبتــسم
عمه زينب،،،، عمه زينب
*ام عـــــــــــ ــلي البابلي*
نهدم حيلي من رحت يالغالي عني
على فگدك دمعت اعيوني عمتني
خلاف عينك العدوا بويه هظمني
من اصيحن والدي بسوطه يطگني
بحالي هم عندك علم
يگلي بويه ويبتســـم
عمه زينب،،، عمه زينب
سهام المالكي
انهـــــدم حيلي رويحتي اه ياالمها
خلاف عين حسين منهو يشيل همها
حيل مرعوبـه يعمه من حلمها
تريد تفسير الابو صاح باسمها
والحزن بيه منرسم
يگلي بويه ويبتسم
عمه زينب.... عمه زينب
ام وليـــ ــــــد الموسوي
بوية عذبني افراگك خذني يمك
لليتم ماليه طاقه ارد اشمك
بالسبي تضربني ناس امن اذكر اسمك
لو صحت عباس عمي اليوم احشمك
ناس ما عدها رحم
يگلي بويه ويبتسم
عمه زينب،،، عمه زينب
العلوية أم منتظر جمال الدين
امن الحلم فزيت شبعانه بواچي
عمه شفته يگول جايبلچ تراچي
جسمه سالم بالحلم حلو المحاچي
هسه بس راسه بعد بيمن اتاچي
ونحره مصيوب بسهم
يگـلي بويه ويبتسم
عمه زينب...عمه زينب
زينب خضر الوسطية
((( رابط راثيات العتره )))
تـــمـ بعون الله تعالى ـــت
باقـــ ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /19/ محرم الحرام / 1444هـ
لانجيز حذف الاسماء
نسالكم الدعاء
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
https://t.me/ssrgk
1.8K viewsخادمه السيده رقيه بنت الحسين ع, edited 23:16