بتطلع فيه وبتقول بقلبا(لك مابتقدر تكمل فرحتي،لازم تنغصني بكل ل | Stories 📖
بتطلع فيه وبتقول بقلبا(لك مابتقدر تكمل فرحتي،لازم تنغصني بكل لحظة) بيوقفو بلنص بيقلا تحط ايديها ورا رقبتو وهو بيحط ايديه عخواصرا..وهون مع الموسيقا الهادية بتندمج آسيا..بلأخص وقت تشم ريحة عطرو وبتحس بدفاه ومع أنو كانت لابسة كعب إلا انو دوبا واصلة عند صدرو..بتركي راسا عليه بدون ماتنتبه..مستمتعة بكل ثانية متمنية تبقا هيك طول العمر أو يوقف الزمن هون
أوس:آسيا؟؟..لك نمتي؟؟ آسيا بتنتبه:شو؟؟ أوس:يلا خلصت الرقصة خلينا نأعد شو صابك؟ آسيا:ولا شي ايمت رح نروح.. بلبيت كان عامر مجهز غرفة اكبر من غرفة أوس للعرسان وجايب أثاث جديد.. بيوصلو علبيت..قبل الكل لأنو عامر رح ياخد عيلتو ويكملو السهرة برا
بفوتو علغرفة..بتطلع آسيا فيها بأعجاب...وبعد ثواني أوس:أنا نازل شوي علحديقة..فيكي تنامي اذا بدك آسيا بتطلع فيه كيف عم يمشي خطوة خطوة وطالع برا الغرفة وجواتا عم تستنا يرجع يلتفت لعندا ويأعد معا