آسيا بوجع كبير:شفتهم مرميين والدم مغرقهم..بتعرف دكتور كل هلأيا | Stories 📖
آسيا بوجع كبير:شفتهم مرميين والدم مغرقهم..بتعرف دكتور كل هلأيام يلي عشتن هنيك كان بابا بحاول عطول مايورجيني دم..يعني ولا نهار شفتو غير هاد اليوم..وبأبشع صورة..بتعرف شو كانت ردة فعلي..الصمت كان كلو صمت..صمت الموت..فجأة بصير بسمع صراخ والناس عم تستنجد من الضربة التانية..وهاد بكون صوت الموت.. (بتسكر دانها)عم اسمعو كل مابتذكر بسمعو والله لساتو براسي...صوت الناس عم تنادي مين عندو سيارات لينزل يسعفو ..رتميت بين أمي وأبي..متل المجنونة فكرت اذا عملت حالي ميتة بلفعل رح موت معهم وغمضت عيوني
وبسبب الضغط يلي صار الظاهر نفتح باب البيت..لأنو تجمعو عنا جيران وصارت جارتنا تصرخ وهية عم تنده للناس،.انا تحركت وحسو عليي سحبتني لحضنا وخبتلي وجهي وطالعتني.. يمكن كانت متخيلة أنو رح انسا هلمنظر اذا خبتني..طلعت ومارجعت عهلبيت..رحت عند خالتي وقضيت ابشع أيام حياتي.. بيقرب لعندا جواد وغصب عنو بيلاقي حالو ضما وهية لسا غرقانة بدموعا.. جواد:لا حول ولاقوة الا بلله..اهدي هلأ شربي مي
وهو بيبدا دورو وبيحاول عقدر المستطاع يبعد هلمنظر من راسا.. بلآخر بتتصل بأوس ليجي ياخدا..بكون الدكتور خلص مواعيدو وبيطلع معا عبوابة العيادة ولسا كل شوي بتبكي
بيتطلع فيها،وبيمسك راسا بين ايديه جواد:بوعدك ابقا جنبك لحتى تنسي..يمكن ماتنسي كلياً بس نوعاً ما.. بتهز براسا وبهلحظة كانت عيون عم تراقبهم بغضب..بينزل من السيارة وبيخبط الباب بقوة.. جواد بينزل ايديه لما بيلاقي آسيا عم تطلع بخوف عمكان تاني..بيلتفت بيلاقي أوس جواد:أهلا استاذ أوس.. بيمسكا أوس من ايدا وبدو يسحبا جواد:تمام آسيا لاتنسي الموعد الجاي يوم.. وقبل مايكمل بيقلو أوس:شكراً رح اجي وكمل دفع الجلسات وماعاد بدنا منك شي جواد:كيف يعني المريضة.. بيسحبا بقوة وبيطالعا بلسيارة وهو كمان بيطلع آسيا بعصبية:لك ليش هيك عملت أوس:يعني عاجبك كتير يلي شفتو بعيوني آسيا:أول شي لاتصرخ،تاني شي انا كنت لحالي رح ابعد أوس:تبعدي؟بس كان واضح كتير أنو عاجبك الموقف
آسيا بتتفاجأ وبتنجرح كتير..بتبقا ساكتة لثواني أوس:لعادة سكتي..شفتي كيف انو هاد غلط ...لك ردي
بقيت ساكتة لبعد دقايق..قربو من البحر آسيا:نزلني هون...نزلني أوس بيوقف السيارة وبتنزل
نزلت وقفت قدام البحر..أفكار تاخدا وأفكار تجيبا متل موج البحر..بعد شوي بتقرب كتير منيح من حافة البحر بتوقف عرجل والتانية بترفعا لقدام..علهوا..وبتميل بجسدها باتجاه البحر وهية مغمضة عيونا
وعشوي رح بتصير جوا البحر.. أوس بجنون وصوت عالي:لك يامجنونة... بيضما بقوة وبيسحبا..وبيبقا ضامما وكل ماتخطر عبالو انو كانت رح توقع بيرجع بشد عليها أوس:لك جنيتي انتي؟؟ آسيا:شو صار أوس:لك كنتي وقعتي آسيا بتطلع بلبحر.. أوس:ليش؟جاوبيني بصراحة...لهلدرجة كرهتي حياتي معك بتطلع فيه بنظرة كأنو عم تقلو(شو رأيك يعني..) آسياة:اليوم عند الدكتور حكيتلو عن يوم الحادثة...حكيتلو كيف شفت اهلي وهني ميتين..وعن الكابوس يلي بيجيني عطول..وقت بتنعاد كل المشاهد بلمنام وكل مرة بحاول لحقهم ومابقدر..ولا حتى بقدر اصحى قبل ماشوفن..عطول بشوفن وهنن كلن دم
أغيد:ملاهي؟ أوس بجدية:بلا جنانك ميلا ميلا:لك مو جنان،بس ماشفت حالة آسيا كيف،قلت مشان نطالعا من الجو والله رح تفرح كتير بيتطلع فيهن وبفكر شوي..بقول لحالو بلفعل لازم يطالعها من الجو..بس آسيا ماعادت تقبل وميلا وأغيد اصرو عليها وماكنت ترضا