يونس:ريحان ياابني عاشت حياة مو متل البقية،أمها كانت عصبية شوي. | Stories 📖
يونس:ريحان ياابني عاشت حياة مو متل البقية،أمها كانت عصبية شوي..وخلت البنت بحالة نفسية صعبة دائماً..ريحان بنت عنيدة..وممكن قاسية من برا،بس جواتا هش..ضعيفة وفيها فراغ كبير..بسبب غياب الأب يلي مهما حاولت أنا ماقدرت عوضها عنو..بدي وصيك فيها..مهما عملت حاول تتقبل وإذا بيوم ماقدرت تتحمل..خبرني..بس أوعك تأذيها،حتى لو ماكنت أبوها..بس مستحيل أسمح لحدا يكسرها
روح:كلامك على عيني..وريحان زوجتي ومارح اسمح ليش يأذيها
روح:كيف بدك كون بعد كل هالمشاكل ومن مبارح بلا نوم..المهم..لازم نراقب الوضع أكيد رح يتقابلو..ويمكن نقدر نثبت شي عليهن
ريحان:تسجيل صوت؟
روح:ممكن..بس كيف؟
فجأة بيتغير لون وجهو وبيحس بأقياء..بيروح عالحمام وبيغسل وجهو
بتقوم ريحان بتنطرو برا الحمام بقلق
ريحان:روح؟..روح رد علي أنت منيح؟
بيطلع وهو تعبان كتير
ريحان:عالنوم فوراً..ليك شو صار بحالتك
بيتوجه ع السرير وبيتسطح..بتغطيه ريحان وبتبقى جنبو..مابياخد وقت كتير وبينام
وهون بتبقى وحدها..بعد يوم كامل من التوتر والتعب..أو فترة طويلة
ريحان بتقول لنفسا(وهلأ؟شو رح تعملي؟رح تبقي هون..ولا رح تمشي؟أكيد كرهك...أكيد شفقان عليكي كرمال يلي صار بأيدك..مستحيل لسا بيحبني بعد كلشي عملتو فيه...هو حكاها زواجنا بقي مجرد أتفاقية..أو يمكن كلام عمي وخالي هو يلي عم يخليه يبقى جنبي..ماعاد عرفت شي،ياترى شو لازم أعمل؟)
بعد وقت من التفكير..بتطلع بنتيجة
ريحان:(لازم ساعدو ليكشفهن بالبداية..وبعدا رح أمشي،لازم أعطيه فرصة يفكر..رح بعد عنو كم يوم،طول ماأنا جنبو رح يتعب اكتر..)
بتغفى جنبو بدون ماتنتبه
وبيصحو بعد كم ساعة بتفتح عيونها ريحان لتشوفو متسطح جنبها
بتبتسم بتحس حالها بدنيا تانية وبمكان تاني
بيفتح عيونو روح..وبيتأمل نظراتا..فجأة وكأن رجعتلا الذاكرة الذاكرة..بتبعد عنو وبتحاول تقوم أما روح لسا حاسس بتعب
بيتطلع عالساعة كان الوقت متأخر
روح:تأخر الوقت..أنا نازل لتحت..بتريدي جبلك شي؟
ريحان:وأنا نازلة مليت من الغرفة
بيمر اليوم بشكل طبيعي وبلانكا بتبقا بغرفتا
تاني يوم
كل واحد يقضي أعمالو وريحان بتروح عالجامعة(لفو الصورة)
أما روح بيروح عالشركة وبس يخلص،مابيقدر يمنع حالو ومابيلاقي نفسو إلا أمام بيت ديفيد بيدق أول مرة والتانية ليفتحلو
ديفيد:روح؟؟وااو شو هالمفاجأة ههه
لسا مابيكمل ضحكتو وبيضربو روح بوكس بين عيونو ليرجع للخلف ويفقد توازنو
بيفوت روح وبيسكر الباب
روح:كنت مفكر رح عديها هيك؟
ديفيد:أنت غبي؟شبك شو صرلك؟
روح:شو صرلي؟لك أنت اوسخ من كلشي وسخ شفتو بحياتي..أنت أحقر انسان بالدنيا كلها
بيرجع بيقرب منو وبيضربو،بيحاول ديفيد يدافع عن نفسو أو يرد الضربة بس ماكان عم يقدر..غضب روح كبير مافي شي عم يردعو
بقي يبرد قلبو فيه لنهنهو ووقع بالأرض بدون مايقدر يتحرك
بينزل لعندو روح وبيهددو:سماع منيح..للشرطة ومارحت حكيت،بس أني اتركك هيك؟لا ماحزرت..وإذا بترجع بتفكر مجرد تفكير..تقرب من ريحان،رح امسحك من الدنيا كلا فاهم؟وإذا بتفكر تشتكي عليي..بتكون فتحت بوجهك نار جهنم..مارح اترك فيك شي سليم وقتا..عم تفهم
ديفيد:وبلانكا؟عادي ولااا...
بيخبطو بوكس تاني ليخليه ماعاد يقدر ينطق
بيوقف وقبل مايمشي..بيرجع بيخبطو برجلو بقوة وبيتف عليه
روح:تفه عهيك وسخة..قال صديق..
بيرجع عالبيت وكأنو ماصار شي..بس تقريباً برد قلبو
بيفوت لعند ريحان
ريحان:تأخرت
روح:كان عندي شغل،شبك خايفة؟
ريحان:طول الوقت عم فكر لو صار شي..وأجا ديفيد
روح:مارح يجي
ريحان:ليش متأكد هالقد؟
روح:لأني رحت اليوم..وعملتلو اللازم
ريحان بخوف:لك ليش هيك عملت؟وبلكي اشتكى عليك؟
روح:يجرب ويشوف شو رح يصير
بيقرب لعندها وبيوقف أمامها:بدك أعرف انسان جرب يقرب منك،وأتركو هيك؟لسا منيح ماخلصت عليه
