سؤال تكرر من أكثر من متابع س/ إذا طورت نفسي راح اتخلص من كل | 💚 كن إنسانا 💚
سؤال تكرر من أكثر من متابع
س/ إذا طورت نفسي راح اتخلص من كل مشاكلي ؟
ج/ وشيء اكيد الجواب يكون حسب رأئي الشخصي لمعلومات تعلمتها وطبقتها ونتائجها كانت ممتازة وياي ومع المتابعين إلي طبقوا ...
تطوير ذاتك مهم لكن من تفهم ذاتك يعني بالوقت إلي تعرف شتريد تغيير بنفسك وشنو تريد تحقق ومن شنو تريد تتخلص ... راح تتقدم خطوة ... بينما من اسال شخص شنو تريد تغير يگول ما أدري أو ما أعرف يعني ما محدد هدف معين
من تتعلم وتزيد معرفتك هنا راح تميز شنو تريد وشلون حاب تكون وهذا دور مهم وفعال لأن تنمية الذات راح تعطيك الهامات لكثير تساؤلات كنت تجهلها ... الالهام يتحد مع الروح والعقل والمشاعر من تعمل على تقويمهم راح تعرف الحل المناسب لكل إلي يمر بيك بشرط بمراحل مختلفة لكن متسلسلة ومتصلة مع بعضها ... اليوم صار موقف مزعج باجر موقف هم مزعج لكن تاثيره عليك لا شيء وهنا اهم حالات الوعي الرائعة إلي توصلها ... وهكذا ....
بينما ما تتعلم ولا تطلع او تزيد معرفتك راح تبقى اكو فجوة بين تحرك الطاقة وبينك بمعنى راح تبقى على وضعك لفترة طويلة وتتعرض لنفس المواقف إلي ما ترغب الها ونفس الناس
وكذلك اؤكد على منطقة الامان إلي علمت عقلك عليها وهي عدم التحرك خطوة وحده خوفا من التغيير وسلوك ثابت لسنوات
حل المشكلة والبحث في اسبابها ليس هو المهم
الاهم هو وجود ما ينفع لكل مرحلة اقصد ...
اليوم أنت مختلف عن قبل سنتين وكذلك بعد سنتين متعرف شلون راح تكون ...لذلك اللحظة الحالية ..&&.هسه ....اليوم ..&& هي الأهم تعيشها بطريقة تكون سبب في تحسن حياتك لأن اللحظة القبلها صارت ماضي .... لا تنقب كثير عنه وتفقد اللحظة من تركز على المشكلة راح تبقى ترافق تفاصيلها المتهالكه بالطاقة الخطأ ... لكن من تركز على الحلول وتنطي خيارات واسعة الحل راح يدفق بحياتك ويظهر
