انتَ الدا تريد الوضع يسوء وتعلّگ لأن حضرة جنابك الكسيف متحمس وتريد تشوفهم يتقاتلون، حتى تخدم مصالحك السخيفة على حساب دماء العراقيين، وتجي تنشر مثل الحمار وتأجج الوضع أكثر مِما هو عليهِ، لأي درجة من الغباء ومن الرعونية ومن المزعطة وصلتلها إبني؟ حقك، وأنتَ مجرّب لوعة التهجير ب2006، ما جربت شنو يعني كدامك سيطرة وما تدري راح يكتلوك لو يعبروك، ما جربت تاكل خبز يابس تطمسه بالميَ حتى يصير ليّن شويه بأيام الحصار، ماجربت تشتغل من الصبح لليل حتى تسّد جوع عائلتك، ما عشت الطائفية بحذافيرها ولا شايف شخص مقتول كدامك. ما جنت عايش بزمن الإنفجارات ولا جانت تكعدك المفخخات الصبح. ما سهران على الطلق وعلى الهاونات بالليل، ما ضايگ القهر والحرمان والخوف من المستقبل، ما هاينيك الإمريكان قبل ولا دافريك.
ولا راح تعرف شنو حجم الكارثة الممكن تصير باجر وعكبة، تجي مثل الغبي تنشر هيّ هيّ راح تعلگ، هيّ هيّ حظر للتجوال، هيّ هيّ ماكو دوام، وتتحمس وفرحان .. لأنَّك غبي غبي وماتعرف الديصير بالشارع راح يأثر عليك وعلينا وراح يدمرك ويدمرنا إصحى من الرعونية الأنتَ بيها سواء بنية و ولد وكافي تأججون الوضع.
