2020-05-14 08:11:36
مروان محسن : بواصل التدريبات في المنزل وبروح النادي الاهلي اتمرن في الجيم انا والشناوي والسولية واتمني عودة الدوري لكن صحة الناس اهم.
مروان محسن : انا مش من ناشئين الاهلي لكن من صغري وانا بعشق النادي الاهلي وعائلتي كلها اهلاوية، وشرف ليا تمديد عقدي علي بياض مع الاهلي.
مروان محسن : الانتقادات طبيعيه لان الناس بتبقي عيزاك تسجيل اجوال مستمرة مع الاهلي والمنتخب لكن بيبقي فيه انتقادات سلبية تغضبني .. انقذ التعليمات المطلوب مني وهدفي مصلحة الاهلي والمنتخب، فايلر يتحدث معي دائما ويقول لي ركز في الملعب واعمل الي عليك وسيب الباقي عليا ولا تلتفت للأراء.
مروان محسن : الناس كلها بتكلمني إن أنا بـ ضيع .. طب هي فين الفرص؟؟
مروان محسن : دايما بيصعب عليا نفسي وبقعد اعيط لانني بحس انني مظلوم.
مروان محسن : اوقات كتير بقعد ابكي لوحدي
مروان محسن : انا ماليش في السوشيال ميديا اوي ومش بفتح كتير ومش بشوف ردود الافعال انا بحب الاهلي وبحب جماهير الاهلي وبقبل الانتقادات لكن السخرية تغضبني.
مروان محسن : انا مبزعلش ومببكيش من النقد اللي بيزعلني السخرية
مروان محسن : كان نفسي ابقي في حته تانيه بعد كأس العالم .. ولكن انا بلعب في نادي حاليا من احسن الانديه في افريقيا ومفيش حد زي النادي الاهلي.
مروان محسن : مكنتش راضي عن نفسي في كأس العالم وكان عندنا افضل من كده ولم انم ليلة مباراة مصر واورجواي، الشوط الاول في مباراة روسيا الافضل للمنتخب في كأس العالم 2018.
مروان محسن : اتمني عودة صالح جمعة للمشاركة في المباريات مع الاهلي وبتكلم معاه دايما وبطلبه بالتركيز في التدريبات وتنفيذ تعليمات مستر رينيه فايلر، صالح لاعب كبير وموهوب.
مروان محسن : فضلت الانتقال للاهلي عن الزمالك ولم اركز ماديا، لم انتقل للزمالك لانني بحب الاستقرار والاهلي فيه الحته دي والاهلي نادي كبير ورقم واحد عندي.
مروان محسن : وصلنا لنهائي افريقيا مرتين لكن مكنش فيه توفيق واللعيبة كلها مركزه اننا ناخدها السنادي ولن نفرط فيها.
مروان محسن : مثلي الاعلي في مركز رأس الحربة عماد متعب.
مروان محسن : لم اتوقع خروج منتخب مصر من كأس الأمم الإفريقية التى إقيمت في مصر، وانا خارج بعد مباراة جنوب افريقيا كنت حاسس انني في حلم.
مروان محسن : من اليوم الاول ليا في النادي الاهلي واتعلمت اننا بنلعب لاخر ثانية في المباراة، الجول بيجي في لحظة.
مروان محسن : كنت اتمني اللعب مع جيل تريكة وبركات .. مانويل جوزية قعد معايه في مرة وقال لي انا كنت عايزك في الاهلي وانت في بتروجيت.
مروان محسن : يتبقى لي موسم واحد مع النادي ولم يحدثني أحد من الأهلي في أمر التجديد
مروان محسن : فايلر معندوش لاعب محبوب او العكس طول مانتا بتتمرن كويس هتبقي موجود في التشكيل الاساسي.
رسالة لجمهور الاهلي ؟
مروان محسن : مش عايزهم يزعلوا مني، انتوا دايما في ضهري وهفضل احبكم دايما وان شاء الله هنكسب افريقيا السنادي ونفرحكم.
ملخص تصريحات لاعبنا عمرو السولية :
"بدأت مشواري مع كرة القدم في مركز شباب سمنود ثم نادي بلدية المحلة ومنه إلي نادي الإسماعيلي وعانيت كثيرا في البداية بسبب طول المسافة بين المنصورة والإسماعيلية"
"حزنت من التعادل مع صن دوانز، كنت أتمنى الفوز بنتيجة كبيرة ليكون أكبر رد اعتبار لنا، أتمنى عودة الدوري لإستكمال ما حققناه من أرقام رائعة هذا الموسم الأهلي قدم أداء ممتاز وحقق نتائج رائعة منذ بداية الموسم الحالي"
"روح لاعبي النادي الأهلي تجاه بعض رغم المنافسة هي الفارق الأكبر في نجاحنا هذا الموسم، فايلر بيحب اللاعبين تكون بتلعب هجوم ودفاع، متفق مع أليو ديانج حاليا وبنفهم بعض في الملعب"
"هنفتقد حسام عاشورفي الملعب، حسام عاشور لاعب كبير وكابتن الفريق وأن شاءالله يختار الأحسن بالنسبة له"
"حصلت علي حرية أكبر في الدور الهجومي منذ تولي فايلر هذا الموسم، بحاول أشتغل علي نفسي الفترة دي، أتمني الإعتزال داخل جدران النادي الأهلي"
"حريص على التدريب يوميًا بشكل فردي في البيت بحسب البرنامج التدريبي اللي حطه الجهاز الفني .. أتمنى الدوري يرجع، إحنا كنا ماشيين بشكل كويس وكنا الأول بفرق كبير، نفسنا نكمل اللي بدأناه"
"مثلي الأعلى من اللاعبين داخل مصر محمد حمص وحسام غالي، خارج مصر تشافي وميسي"
"تواجدت في فترة مع المنتخب مع كابتن حسن شحاته وبرادلي، شعرت بالحزن من استبعادي من المنتخب رغم تألقي في النادي الأهلي،كنت استحق التواجد في مونديال روسيا"
"تواجدت في فترة معايشة مع نادي فياريال الإسباني وكانوا جادين في التعاقد معي ولكن توقف الكرة في مصر بسبب الثورة فلم يتم التعاقد، الزمالك فاوضني من أجل اللعب ولكني فضلت الإنضمام للنادي الأهلى "
"علاقتي كويسة مع جمهور النادي الإسماعيلي رغم حزنهم أني تركت النادي، أتمني طبعا الكرة ترجع بس أهم حاجة صحة الإنسان، النادي الأهلي أكثر المتضررين من توقف الدوري ونتمنى استكمال المسابقة"
391 viewsMohamed Fawzy, 05:11