2021-11-21 18:46:39
چم عزيز الضاعلي ، ووحدك ببالي
وانة مو دمعي ، صُبح شيبي يلالي
طوفني ، استاهل علوگك
بالمرورة ارجع ، وما مليت ضوگك
جيبني من اخر الدنيا ، وحطني بيدك
زورني حرورة نحيب ، وسكّر الشمة اعلى جيدك
عيّد بدمي انة ضحية عيونك ،
چم هِـلال يعوفني ويدير عيد الله اعلى عيدك
عيشلي .. الغربة متاع التايهين
ديرني لقبلة حنينك ، يا صلاة المنتشين
صيرلي الدنيا ، تلاگيني بشر مخلوق منك ، بالچذب حطولة طين
المن متعب لهفتك ، چنهة هوسة حالمين
لملموك بغير چفي
وفاض حزنك ياسمين
ياخمر شوفي ، حچي الكاس الاخذني مايشبهك
يا دِليل العافية الماعرفت تطيح وتندهك
انة وعيوني بچينة ، وماعرفنة نبچي الدموع التنبهك ..
ليش كل مراية تاخذني اعلى وجهك ..!
شمنتظر !! كل الصواني الرادت شموعي خذتني
شعجب ما لاگيتني لمّـن عبر چفك بحزني
الگمر يحچي بضواه ، وعجب عينك ماحچتني ...
صوفرت نيتي ، وصبح ممشاي ونّّي ..
كل شي من عندك تفرهد ، چان مني ..
بوگني من الفوانيس وضواها ،
لـ وين بالشوك ديرة
وانة ادريهن تراچي الفاگدات يحلمن بكفخة ظفيرة
اچفيني .. خل امشي اعلى عرفك
الماي تدري منين مايچفونة يمشي
ما معوّد على الحيرة ..
ياسر الانصاري
145 viewsتفاصيل, 15:46
ا
