ماتاخدش قرار الارتباط فـ حياتك الإ لما تلاقي الشخص الصح .. وم | - ძ ᥱ ƚ ᥲ Ꭵ ᥣ ᥉ -

ماتاخدش قرار الارتباط فـ حياتك الإ لما تلاقي الشخص الصح ..
ومتوقفش حياتك انك تستني الشخص ده يجي يعوضك عن اي حاجه ..

بالعكس مارس حياتك بشكل طبيعي وانجح فـ شغلك ودراستك وقوي حياتك ومستقبلك وعيش الحياة بشكل صح ، واهتم بحياتك لحد ما ربنا يبعتلك إنسان يهون عليك حياتك ويشاركك حياتك بكُل مافيها .

الجواز والإرتباط دا نصيب من عند ربنا ونصيبك هيجي حتي لو بعد فترة طويلة كُل اللي عليك إنك تهتم بحياتك وتنجح فيها علشان تبقي قادر تنجح فـ جوازك وقادر تشيل المسؤليه ..

الجواز والإرتباط زي ماهو جميل لكن فـ مسؤليات كتير بيشيلوها الطرفين ، ولازم نختار الشخص اللي قادر يشيل معانا المسؤليه الجواز مش هيكون ناجح لو شخص واحد هو اللي تعب وحاول ينجح العلاقه هي بتكون مشاركة مابين اتنين بيحبوا بعض قد كُل كلمة بيقولها ووعد

علشان كده ياصديقي متقارنش نفسك بحد عيش حياتك ومستقبلك وانجح فـ حياتك وسيبها ع ربنا هيجبلك نصيبك اللي يستاهلك .