2022-02-07 01:10:43
موت ريان واجع قلوبنا كلنا.. وأولنا الأطفال.. اللي شافوا الدنيا كلها بتدعي للولد يطلع حي.. بس محصلش.. فبدؤا يسألوا : هو ليه مات رغم كل الدعاء ده
مهم نعرف ولادنا إن الدعاء في ذاته قيمة..
قيمة كبيرة جدا..
وعبادة جليلة وفريدة..
بتجتمع فيها همة الإنسان على طلب أمر ما هو عارف يقينا إن محدش يقدر عليه غير ربنا..
وده لوحده بيأدب القلب والنفس.. وبيخليهم فاهمين كويس حدودهم فين..
ثانيا الله لا يجب عليه أي شيء..
هو بيغلب بأمره في النهاية..
إرادته في كونه تحدث شئنا أم أبينا.. فهمنا أم لم نفهم..
وهذا عمر الولد قد كتبه الله
وفي علم الله
أن موته سيكون بهذه الطريقة..
فلنهدأ إذن فلم يكن بمقدورنا أكثر من هذا ..
ثالثا ده يعرفنا إن الأخذ بالأسباب عبادة بردوا..
ومأجورين عليها..
بس ده مش هيزود عمر حد.. وقته خلص في الحياة دي..
رابعا هتفضل الآخرة أحلى وأجمل ليه.. ممكن كان يعيش وعنده إعاقة..
ممكن لو عاش كان هيبقى فتنة للقلوب الضعيفة الإيمان..
يمكن كان أهله هيفضلوه على اخواته فتبوظ علاقتهم في المستقبل..
يمكن كان هيتغر وميبقاش زي متوقعنا ليه إن إيمانه كان هيبقى قوي..
يمكن كان هيخللي الناس تتغر بالأسباب..
منعرفش إيه اللي كان هيحصل..
لكن أكيد اللي حصل ده خير..
خامسا الصبر على الفرج عبادة
والصبر على المصيبة دي كمان عبادة..
والعبد ملوش اختيار في نوعيات العبادة اللي بتتفرض عليه..
هنا ربنا بيكشف لنا قلوبنا..
هل إحنا فعلا قلوبنا خاضعه لأمره..
واللا بننتقي في العبادة..؟
سادسا الدعاء ده كله وحد قلوبنا وأكيد ربنا هيدينا عليه أجر عظيم في الآخرة.. لإن أي دعاء لايتم استجابته..
يا إما بيتم إدخاره للإنسان في خير قادم دنيوي..
أو دفع شر..
أو تأجيل الإجابة للآخرة وهو الأفضل للعبد..
والله أعلم..
منقول.
232 viewsرشا السعيد محمود الحسيني, 22:10