قناة طريق النجاح الجامعية️.

2022-02-14 18:38:30 طلاب المرحلة الأولى هالكلام مخصوص الكم اقروه بكل تآني.


تحس نفسك كلشي ما فاهم
المواد انكليزي وصعبة وشي جديد عليك
تحس نفسك راح ترسب والناس تضحك عليك
تحس نفسك تورطت دخلت لهالقسم لو الكلية
تحس نفسك مستحيل تعبر
تبقى ٤ ساعات تدرس بالصفحة وتترجم بيها
.....................................
هذا الشي يواجهة كل طالب يدخل جديد للكلية، وهذا الشي كلش طبيعي، ما بيكم واحد راح يرسب ابد، زين ثامر شلون ننجح واحنا ما فاهمين شي والمولد صعبة علينا؟

عيوني الكلية تحتاج جهد اكثر من السادس، بحكم لغة جديدة عليك اذا قسمك جانت مواده انكليزي، وحتى إذا جانت عربي أيضا تحتاج جهد.

اللي انصحك بيه تشيل الخوف والواهس من راسك، وتدرس وتتابع وي اساتذتك وتقرا المواد وما بيكم طالب راح يرسب بنهاية السنة اذكركم..

كلنا واجهنا وماكو طالب ما يواجه هاي الصعوبات... لكن بالنهاية ماكو طالب يرسب
.................................
تمتحنون وتشوفون دكاترة تساعدكم وتساهل وياكم، حتى وإن كان هناك اخفاق باليومي والشهري.. لكن بالفاينل تعبرون اطمأنوا
شاركوه لزملائكم.
#ثـــــــامـــــر

@university234 باز کردن / نظر دهید

2022-02-14 18:32:28 وما الذي يدفعك للمحاولة؟!

إيماني الشديد بإن القاع ليس لي !

@university234 باز کردن / نظر دهید

2022-02-13 16:52:24 طالبة تراسلني.

ثامر اني رايحة جديد للكلية، واني احب البس عباية وهذا طبعنا وطبع اهلي.. اخاف يكولون عليه متخلفة شلون؟

-اول شي، واول خطوة تسويها، ولازم تعرفها... إنه الجامعة عبارة عن طلاب السادس نفسهم، راحوا يدرسون بمستوى ومرحلة جديدة.
مع القليل من الكلاوات والبرستيج مثلا
بطااطا =فنكر
نسكافيه وحليب =كراند لاتيه
درس =محاضرة
وغيرها من هالسوالف..
فعيش على طبيعتك، والبس اللي يعجبك، وسوي اللي يعجبك، وحاول قدر الإمكان تاخذ معلومات وتجمع معلومات عن تخصصك وتستفاد خلال هالكم سنة.

-ملاحظة جدا مهمة
لا تثق بالبداية،
بالبداية لا تثق..
Don't trust in the beginning

لان بعدين تطلع الوجوه الحقيقية
اكو فرق بين الزميل
وبين الصديق.. الكل زملائك، لكن أصدقائك قليلين حيكونون.

عيشها ولا تهتم لكلام الطلاب، لأن إذا كنت زين راح يتكلمون عنك، وإذا سيئ يتكلمون، وإذا طيب يتكلمون، وإذا مساعد راح يتكلمون.. لان رب العالمين ما سلم من كلام الناس. فأكيد احنا ما نسلم
البس اللي يعجبك.. وسوي اي شي يعجبك ولا تهتم لكلام الناس، لأن هاي حياتك

#ثـــــــامـــــر

@university234 باز کردن / نظر دهید

2022-02-12 22:43:13 تحمل هم دراستك، خيبتك من إمتحانك، ضغوط حياتك،
حتى شعورك المدفون في أعماقك هون على قلبك لا تحزن أنت بعين ربك،
لن يضيع أجر مقاومتك، وجهدك وصبرك، حاول ولا تستسلم لإحباطك،
تعثرك في إمتحان أو مرحلة ليس معناها نهايتك،
افخر بصمودك، لا تقلل من قدراتك، أنت عظيم لا تغفل عن مميزاتك، باز کردن / نظر دهید

2022-02-12 18:20:00 #عاجل

وزارة التعليم العالي تحدد موعد الامتحانات النهائية للفصل الدراسي الاول لطلبة الجامعات ( المرحلة الاولى)

تاريخ 15-3-2022 تبدأ امتحانات الفصل الدراسي الاول والنصفية لطلبة المرحلة الاولى وتستمر لغاية يوم 27-3-2022

تبدأ العطلة الربيعية لطلبة المرحلة الاولى بتاريخ 27-3-2022, وتستمر لغاية 4/2

@university234 باز کردن / نظر دهید

2022-02-11 15:23:37 انت مدا تدرس الخاطر نفسك !


يمكن راح تتعجب لمن هالكلام، لكن هاي الحقيقة!

انت تدرس الخاطر اهلك،ناسك،مجتمعك!

انت كطبيب راح تعالج ملايين المرضى!

انت كمدرس راح تتخرج أجيال وأجيال من تحت ايدك!

انت كمهندس راح تساهم ببناء مجتمعك !

كل منكم إله ثقلة ووزنة بالمجتمع مستقبلا..!

شدوا حيلكم وربي يسهللكم

#ثـــــــامـــــر باز کردن / نظر دهید

2022-02-04 23:09:03 انــتــباه
طلبتنا الاعزاء نوضح لكم بأنه لغاية الآن لم ترد تعليمات جديدة بخصوص آلية الدوام للفصل الدراسي الثاني من قبل وزارة التعليم العالي والبحث العلمي رسمياً
و آلية الدوام كما هي في الفصل الدراسي الأول ...

@university234 باز کردن / نظر دهید

2022-02-04 17:19:28 #طــــــــــــــلا المرحلة الأولى ـــــــــب

شوف ، راح تحس نفسك كلشي ممفتهم، راح تحس نفسك كلشي متعرف، اصلا راح اتكول ما انجح !

شلون راح اتأقلم ، شلون راح افهم هاي المواد اللي كلها انكليييزي اذا كنت طالب طب، شلوووون راح تجي الأسئلة ، شلون راح اجاوب ! !!

•اسمعني، خلي هاي العبارة ببالك كلشي اول بأول! تمام ،مو بسرعة راح تتأقلم وي هاي المواد ،ولا الدراسة الي تختلف جذريا عن السادس ! ولا بسرعة حتتأقلم وي البيئة الجديدة عليك!

بالسادس جانت الملازم بكل مكان وتروح تشتريها ، بالجامعة الدكتور ينطيك المحاضرة وانت تنجاز بنفسك !

هسة انت تعبان وتكول ياريت ارجع للسادس وكذا

•هاي الصعوبة بس اول شهر راح تواجهك تمام !
•بعد شهر من الدوام راح تتأقلم كلييييا وتحب اختصاصك!وكليتك !
•ترجم محاضراتك واكعد بهدوء وبدون توتر ادرساها ومخمخها ع كيفك ، هيج راح تفهمها و تدخل بعقلك!
•عااااادي جدا اول امتحان وثاني امتحان تاخذ 0 و1 ووو فلا تحبط نفسك خوش !
•ماللللك علاقة بالدكتور يشرح إنكليزي وكذا هاي لتخليها تأثر عليك ، لإن انت عندك منهج سواء ملزمة او كتاب ادرررررس بي وراح تسيطر !


وبالنهاية...مثل ما كلتلك الزم ملزمتك لو كتابك اللي حيطوكم اياه ولو هي اغلب الكليات ملازم ، يعني ينزلك ملزمة وتستنسخهاااااا ، ترجم واكعد ادرس وراح تفتهم وتننننججح

وماكو أحد يرسب بالجامعة مستحيل إلا الطالب اللي ما يدرس ابدااااا !

#ثـــــــامـــــر

@university234 باز کردن / نظر دهید

2022-02-04 11:18:42 إذَا كان الفشل سيقتلك مرة فإن الندم سيقتلك ألف مرة.
إذاً لا تخف من الفشل، انهض وحاول مجددا .

جمعة مباركة باز کردن / نظر دهید

2022-02-02 20:16:03 السنة الجاية اني ما موجَود بالكلية

ما اريد الشهادة أريد أصدقائي.. باز کردن / نظر دهید