2021-08-16 22:51:47
كنت بواجه صعوبة فى تقبل المنقبات ، و أبداً ما سمحت لنفسي تدخل في محاولة للتقرب منهن ، بإمكاني خلق جو تواصل مع أي زول حتي من أول لقاء ، لكن أبداً ما حاولت مع منقبة.
النقاب إرتبط في ذهني بي التعصب و التشدد في الدين و أنو أي منقبة جافية و مفترية و ما بتحب التواصل إلا مع منقبة أو منقبة أو بنت .
هن منافقات ؛ تصرفاتهن عكس الشخصية المتقمصنها (الكلمة دي صح ! ) و المصافحة حسب قرب المكانة العاطفية ، في الحلة حايمات بدون نقاب في الجامعة و أي مكان غير الحلة بنقاب ..
مخاوفى إتبددت خلال الاشهر الاخير بمعرفتي بي منقبتين ( عن الذهب !!) قدرن يكسرن الحاجز دا وأثبتن لي العكس تماماً ؛ إنو المنقبات هن زي كل البنات و كمان أرهب شديد والله . مرحات و جميلات في الروح، الاخلاق و الشكل كمان ، طيبات و حنينات شديد و بعانن من نظارت الناس في الشراب و الأكل في الاماكن العامة .
واضحات في كل حاجة متعلقة بيهن و راغبات في التواصل لكن في حدود العلاقات المشروعة .. ما بدخلن في علاقة مبهمة مع أي بني آدم ، و كمان لما تقرب منهن بتتفاجاء بيهن إجتماعيات شديد و بحترمن اي علاقة واضحة بتربطهن مع الطرف الثاني.
دايماً هن أكتر البنات المثقفات و الملمات بي امور الدين و حافظات لكتاب الله و ملتزمات .
المنقبات بمثلن الطاقة الأيجابية في حياتنا ككل ، و هن دليل علي إنو النقاب ما بالصعوبة الدائما بنسمعها من البنات ولا حتي مستحيل بقدر ما الاخريات متحجات ..
لو فعلاً النقاب بالصعوبة دي ما كان حتلقي منقبة واحدة وسط مجتمع نافر و مشكك في اصحية ارتداء النقاب.
#لكل_نينجا .
67 views19:51