مرات مرضانا يشتكون من كثرة الچكات من تحاليل وكانيولات وجرعات وغيرها ،، طبعا اكو حل لطيف ومتطور ويفيد المرضى وميكلف هواي ،،
شنو هذا الحل ؟
اكو فد اداة بسيطة او جهاز بسيط يسموه
Port -A - cath ينزرع تحت الجلد بمنطقة الصدر ويمتد من عنده أنبوب للوريد الرئيسي للقلب superior vena cava ،،
هذا الجهاز ممكن ننطي من خلاله العلاج الكيمياوي ، المغذيات ، المضادات الحيوية الوريدية ، وحتى سحب التحاليل ونقل الدم اذا احتاج المريض ، كله من خلاله وبدون اي الم ،،
طبعا الجهاز ينحط بعملية بسيطة تستغرق تقريبا نص ساعة وبعدها يكون الجهاز موجود وجاهز ، ويفيد مرضى سرطان الدم والسرطانات الصلبة اللي يحتاجون علاج مطول .
طبعا الجهاز ممكن عمله بالعراق اكو اطباء عراقيين ممكن يسووه
أرجو مشاركة المنشور لفائدة مرضانا الاعزاء
﹎﹎﹎﹎﹎﹎﹎﹎﹎﹎﹎﹎
https://t.me/vvvav0
