كنت قاعدة مع مرات أخويا ولقيتها فجأة بدون مقدمات مكتئبة و حالتها سئية - طب قومى نعمل الأكل سوا = لا مش عاوزة كنت بحاول أراضى فيها و برضو مفيش أى فايدة منها إنها تقوم . . أخويا رجع من شغله بصلها كدة: - الله إيه قصة الشعر الحلوة دى!! بعدها مرات أخويا اتحولت لربوت سعادة في البيت كله، عملت الأكل من غيرى، وضبت السفرة روقت البيت لوحدها!! تيتا كانت مخنوقة و إحنا عندها فبعد الغدا جدى طلب كوباية شاى ولما جابتله الكوباية قلها.. - أحلى شوية شاى إنما إيه ف الخمسينة... وقعد هزر معها شوية و قامت عملت فشار وجابت سوداني ولا كأنه عيد.. لمجرد سمعت كلمه من جدى أخويا جسمه زايد شوية فبدء يروح جيم، مجرد اسبوع وقال مش رايح فجأة أبويا لما عرف خلاه قاعد و قاله.. - يا سلااام وشك نور يا واد ، الخسسان باين عليه أهو، تصدق بفكر أنزل الجيم انا كمان!! نفس اليوم بليل أخويا راح الجيم وخرج مع صاحبه بعدها " رغم إنه مخرجش كدة يمكن من ٣ شهور " شوف مجرد كلمة بس بتعدل المايلة ، بتجبر خاطر و تطبطب على قلوب .. متخيل كلمة ! ياربت نتعلم الكلام الطيب المشجع ونبعد عن الكلام االمحبط اللي بيجرح بلاش دخلتك علي البيت بعد الشغل تكون سبب فرح لزوجتك ولاولادك بدلا ما تكون دخلة نكد وخناق ياربت كلمات المديح والتقدير والحب بدلا من كلمات التنمر وعدم الحب بصراحة الكل كبير او صغير ..رجل او سيدة شاب او شابة و الاطفال كمان الكل محتاج كلمات التشجيع ..كلمات التقدير ....كلملت الحب ” الكلمة الحلوة مفتاح السعادة والراحة والهدوء “ 343 views12:02
