إلى كل أب و أم و من يهمه الأمر .. في مشروع كبير موجود دلوقتي | مختارات وائل جرجس

إلى كل أب و أم
و من يهمه الأمر ..

في مشروع كبير موجود دلوقتي يدعى Reimagine tomorrow أو “ إعادة تخيل الغد “ و كان في لايف على زووم من الست الهانم اللي عالشمال و بتتكلم إن بنهاية العام هيتم معالجة/تحويل أكتر من ٥٠٪؜ شخصيات ديزني إلى شخصيات مثلـ يين L G B T Q

طب مين الباشمهندسة ؟
كاري برك تبقى المديرة التفيذية لشركة ديزني، اللي بالمناسبة مغربلين الفيسبوك إعلانات إنهم وصلو الشرق الأوسط و أعلنو عن البلاتفورم إنه هيكون موجود و نازلين بعرض رهيب ٢٠٠ جنيه في السنة و تقدر تشترك انت و اكتر من حد زي نتفليكس كدا! طبعاً انا تنحت اللي هو ازاي و دلوقتي فهمت إزاي

كاري عشان تاخد قدر أكبر من التسامح مع الفكرة في مجتمعها أولاً قالت إيه في اللايف؟ قلت بالنص كدا “ أنا أم لولدين مختلفين، واحد tran sg ender يعني متحول جنسي، و التاني pan se xual يعني يميل و يحب أي شخص بغض النظر عن جندريته “ !!

بالمناسبة أحد الموطفين بيحكو إن ديزني بدأو في تنظيم البيت من الداخل تجاه تلك السياسة فمبقوش ييدو أي اشارات جندرية في الخطب الرسمية و الإيميلات فميقولىش مثلاً “ السيدات و السادة “ و يستبدلوها بـ " أهلاً يا اصدقاء " فيشربو صنّاع الطبخة الفلسفة المتبعة من هنا و رايح فتنعكس على الأنيميشن

أقدر اقولكم ان احنا داخلين على مصيبة سودة و لازم نراجع نفسنا احنا بندفع فلوس في إيه و مشتركين في إيه. و لو سمحتو لو سمحتو .. اتفرجو عالفيلم أو المحتوى اللي هيتفرج عليه ولادكو قبل ما يتفرجو همّا لو حابين تحافظو عليهم

و انا شايف إن في ٣ حلول عمليين

بما إن بالمناسبة دي بداية و الموضوع هيوسع جداً و هيطلع بره البيت و هيكون في مدرسة و شارع و سينما فيا ريت نراجع أول بأول مع ولادنا كل حاجة عشان لو حصل بوادر أي فُرجة أو التعرض لخبرةً ما هتولد اسئلة و استفسارات و لو خباها عنك عشان خايف منك هيلاقي الزون المناسبة ليه اللي هتجاوب على اسئلته و تفرجو على فانتزيس اكتر

حاجة تاني بقى يا ريت watch it و شاهد و الحاجات الحلوة دي تطلعلنا منصة موازية تدعم قيم و تأسس للفطرة السليمة بطريقة فيها حبكة ذكية و شخصيات تفضل في بالنا فنعيش على أثرها زي " بكار "

حاجة أخيرة و حسّاسة
زي مانتو شايفين محدش عامل حساب للسن دا و ناويين يغيرو فكر جيل كامل و المرة دي خدوها من بدري بدري و تحت أوي، لا اسبق انت بخطوة و يا ريت نتكلم مع ولادنا في التربية الجنسية! مش عارف تبدأ منين؟ جوجل هيدلك على البداية المُثلى ازاي تبدأ في مبادئ الشرح دي فيطلع طفل سوي جنسياً

الموضوع خطير
فابدأو دلوقتي و كونو فعل
قبل ما تكونو يوم رد فعل

منقوووووووول