2023-07-01 16:56:57
ح تتخطبي مرة ويمكن مرتين وتفسخي خطوبتك عادي لو ربنا ما جعل قسمة !
ح تعقدو كم سنة وتخلو بعض برضو عادي ..
ح ترتبطو سنين وتكونو خلاص على عتبات الزواج وفجأة اموركم كلها تجوط ..
سمعتو بعبارة
( زول بحجز زول لحدي ما ربنا يجيب نصيبوً )
ح تقولو دي كيف !
يعني كل الخيارات الفوق دي كانت عشان انتو ما نصيب بعض بس ربنا ختاكم في طريق بعض لفترة زمنية معينة وبعدها اي زول بلقى قسمتو المكتوبة ليه من هو اتولد
كلنا مروا في حياتنا ناس ويمكن كنا ح نجزم انو هم نصيبنا بس نحنا ما كنا عارفين انو نصيبنا قاعد في مكان تاني وربنا دخل زول حياتنا لحدي ما داك امورو تتسهل ويجهز نفسو ..
ح تضعفو وتجيكم لحظات تحسو الدنيا دي ضيقة وما قادرين تتقبلوها وكل حزن الدنيا جواكم بس تعويضات ربنا دي عظيمه زي الام في فترة حملها وكل الوهن والتعب البتلقاه مش ببقى سراب لمن تشوف طفلها بين يديها ؟ يلا نفس الشعور دا ح يجيكم لمن تلقو الزول الصح حتحسو انو تعبكم دا كلو ولا شي قدام النصيب الجميل الكان منتظركم وح تعرفو انو ليه الموضوع دا ما نجح مع الكانو قبلو ..
"وعسى أن تكرهوا شيئا وهو خير لكم"
تدابير ربنا جارية ونحنا ما جايبين خبر وهو داسي لينا حاجات عظيمة شديد تنسينا اي شي فقدناه
الفات مات والجاي سمح ذيكم
#منقول
2.2K viewsAnoOO , 13:56