2023-06-04 17:34:17
مرحبا ياذنبي اللي ما كنّه بالذنوب
ما نيب قايل لدرب الهدايه ودنّي
والله أن قلبك مبدا على كل القلوب
مثل ما بديت قلبك عليهم بدنّي ..
شدني مجدولك اللي تلاعـبه الهبوب
وشي ثاني شدني مقدر اقول لكن شدني
ماحدن قد ضدني ف المعارك والحروب
بس مدري كيف سلهام عينك ضدني
خاطرك يستاهل أرضيه لو تزعل شْعوب
والله أن ارضيه لو الزمان يحدني !
لا تحاتي يا حبيبي متاهات الدروب
كل مازليت عن درب حبك قدّني ..
سدّك من الحب ماجاك يالظبي اللعوب
ولا أنا كلمه من أربع حروف تسدني !
هدني من روع فرقاك يا أعز مْحبوب
طالبك في كل ليله تعال وهدني ..
و كل ما استغفرت من ربي و قررت أتوب
قامت أنسام الهبايب عليك تردني :)
1.1K views14:34
أ
