'_حاسس انك مسؤوليتي. ' دي ألطف جملة ممكن تتقال في العلاقات، م | خواطِر،إقتباسات وقِصص🌷📖
"_حاسس انك مسؤوليتي. "
دي ألطف جملة ممكن تتقال في العلاقات، ما حاسس اني بحبك و خلاص.. لا انا حاسس انو البينا اكبر من كده، لدرجة انو اقل حاجه تحصل ليك بحس انها بتضرنى قبلك و كل حاجه صغيره و كبيره في حياتك بتخصني و انتِ كلك ما بس حبيبة او خطيبة، انتى دخلتي ضمن الحاجات ال داخله في مسؤلياتي و ده أصدق تعبير يدل على حُب الإنسان ده ليك.
الحُب و إن وجد فأحنا حا نقدر نشوفو في عيون ال قدامنا كلنا عارفين لو الإنسان ده بجد قاصد انو بحبنا و لا لا..
المشكله اننا بنستعبط و بنغش نفسنا عشان نرضى نفسنا.
نرضى نفسنا عشان احنا بس ما قادرين على بُعد الإنسان ده
بس احنا عارفين!.. عارفين لو هو بجد بخاف علينا عارفين لو هو بجد عايز يكمل معانا عارفين لو هو بجد بحاول عشان ننجح عارفين لو هو بجد شايف اننا ضمن " مسؤلياتو، أولوياتو.. الخطوط الحمره عندو!.."
