أنا لما وصلت ،، صحبتي هي اللي التقطت صورة الختام و عاشت معاي م | خواطِر،إقتباسات وقِصص🌷📖
أنا لما وصلت ،، صحبتي هي اللي التقطت صورة الختام و عاشت معاي معاناة الرحلة و كنزها ♡..
_ قبل كم يوم و احنا بنتذكر قصة وحدة فينا كانت عايزة تبدا تجارة قبل خمسة سنوات بس كانت محتاجة مصدر دخل ،، ف عملنا صندوق و سميناه ( صندوق العمر ) عشان هي تبدا ♡ ..
أول شحنة جابتها ماربحت كفاية لكن بعد كدا المشروع نجح و بقت أهم business woman في حياتنا .. ومشروع العمر بالجد هو صُحبتنا ♡ ..
_ لما بديت أحفظ قرآن صحبتي كانت ساكنة جنب مركز منتظم جدا ،، أقنعت والدتي هي و عملنا معسكر سوا في بيتهم ، و لما احتفلنا بالختمة كنا الأربعة بنقول أجرنا في ميزان والدتها و أهل بيتهم ♡ ..
_ إحنا صحبات صحبات جدا من زمان أكتر شي بيجمعنا ببعض هي محبتنا و عشرتنا و إننا داعمين لبعض جدا لكن طموحاتنا الفردية ما بتتشابه ..
مننا المتفوقة أكاديميا و مشت في سكة البحث العلمي و الدراسات العليا ووحدة عندها online store و متخصصة في الشنط وال shoes ، ووحدة طبيبة اغتربت و من مكان لمكان و آخر مرة كانت معانا من سنين لو ما مكالمات الفيديو ، وحدة شغالة manager في شركة إماراتية و وحدة عندها وكالة سفر .
اللي لاحظته إنه كل وحدة فينا لما تجي تحكي عن مشكلة في حياتها و لا شغلها كلنا بنتقاسمها على إنها مشكلتنا و بنعيشها معاها يوم بيوم لحد ما تتحل ،، و بقينا نحل الحاجات سوا عارفين وضع كل بلد فيها وحدة فينا و جهات اتصالها هناك و معارفها و عارفين مشاكل كل مشروع و اعباء كل خطة ♡ ..
قصة نجاحك مهما طالت طالما صبرت آخرها إنها تتم لكن الفكرة إننا زي مامحتاجين قوة قلب و التزام ذاتي عشان نصل محتاجين دعم أصحابنا و انه الصاحب الداعم دايما كفته بتربح ..
لما تجي صحبتك بفكرة و لا plane جديدة عايزة تنفذها مشروع و لا تغيير في line دراستها ادعميها و فكري معاها بمنطق و خططي معاها و ساعديها تحقق حلمها أقيفي معاها و ادعميها و ما تخلي أفكار المجتمع و سلبيته تهزمها ، خليها تحاول و تعافر و الوصول عند الله ♡ ..
وزي ما بنتقاسم الخير بنتقاسم التعب و سنين المسير .
نحن جزء كبير من تاريخ أصحابنا ،،، احنا الي ح نحكي معاهم قصتهم ♡ .
أنا في مكاني البنيته لكن كل حلم بنته وحدة فينا دا حلمنا كلنا ..
