أفكلما أشتهيت إشتريت كتير منا بيكون محتار ما بين طلبات الأولاد الغير منتهيه ، وما بين دخله المحدود بتزداد طلبات الأولاد يوميا والدخل ثابت زى ما هو فبالتالى بنقع تحت ضغط طلبات الأولاد وتلبيه إحتياجاتهم حتى ولو على حساب نفسيتنا ، شغلنا الشاغل إنهم ميحسوش بالازمة اللى بنمر بيها ولا أن فى حدود للمصاريف مش عايزنهم يحسوا أننا مش قادرين نلبى لهم طلباتهم بنضغط نفسنا ونضغط أزواجنا واوقات بيوصل الامر من ضغط الزوجه على زوجها أن يشتغل ليل نهار أو يستلف من كل مكان مش مهم مصدر الفلوس المهم إن فيه فلوس ولادى مش أقل من ولاد فلانه..... ولادى لازم يطلعوا شبعانين عنيهم مليانه....... بتعتقد أغلب الأمهات إن تلبيه كل طلبات الأطفال هينمى عندهم القناعه ميبصوش لحد (هيطلعوا عينيهم مليانه) على العكس تماما تلبيه كل رغبات ومتطلبات الأولاد بينتج لنا جيل لا يتحمل المسئوليه ..... لا بيعرف قيمة الفلوس ولا مقدار التعب اللازم للحصول عليها هيطلع لنا جيل هش بيسعى لتلبيه كل رغباته وإحتياجاته حتى ولو عن طريق السلف والديون. جيل بيسعى وراء شهواته وإحتياجاته بس، تلبيه رغباته مقدمة على أى حاجة تانى عودوا عيالكم على مبدء ليس كل ما يتمناه المرء يدركه حتى لو عندك القدرة الماليه على تلبيه كل رغباته وإحتياجاته علميهم أن فى حد بنقف عنده مش كل اللى نفسنا فيه هييجى علميهم أن دوام الحال من المحال ...والنعم لا تدوم علميهم يتكيفوا مع الظروف فى أى وقت وأى مكان رحمه إسماعيل #Rahma_ismail جروبات كونى خديجة https://t.me/konyghadiga 926 views13:24
