الشاعره نور الظهور المقدس(ام ليث)

2022-07-29 05:34:09 ياهلال الشؤم

موشح
زينب بعـاشـــــــور تهــمل عيــنها
شافت اعله الارض راس حسينها


زينب بهذا الشهر شافت محــــن
شافت اكبر فاجعه بكل الزمـــــن
بدور عدهها تچتلت طـش الظعن
عاشت بغربه وعذاب سنيـــنــهــا


بيوم عاشـــر حرگو اعليـها الخيم
اطشـرت الاطفال ضاعـو بالـهيــم
تصيح ضعـنا عگـب شيــال العلـم
تصفج الراح اعله راح ايــديــنـــها


گصدت التله ومـلــسـوع الگلـــــب
حرمه زينـب حايــره بيـــن الـغرب
بگت وحدهـــه وضــع كلش صعب
بين ظلام وعـــــده مــخـــلــيــنـهـا



عيــن زينب من دمــه تهـــل الدمــع
تمشي مكســورة گلب مـحني الضلع
تصـيـــــح واويـلاه بـحسين انفـجـع
الزهره عنــــي بكـربله چــٰا ويـنـــهــا


وين امـــــي فاطمـــــــــــــــه تلفيني
ابمصايب كربلـــــــــــــــــه اتواسيني
تسگـــــــــــــي من ادموعنه لحسيني
چبده من الدمــــــــــــــــــــــع نرويها



ليش عني امـــــــــي الزچیه اتاخرت
خوتي صرعــــــــــه عالوطيه مادرت
حشمتــها يــــــــــــوم عاشر مسمعت
گـــــــــــــومي وياي الحرم اتحامينها



الحـــــرم بعد الأخوه هامت بالطفوف
ريت امـــــي ابعينــــــه المنظر تشوف
اطفال من العده ماخذها الخــــــــوف
والحـــــــــــــــــرم لبن الدعي سابينها


تــمــت بــعــون الله
#نور _الظهور المقدس(ام ليث المالكي)
لاإجيــز حــذف الأســم

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦• باز کردن / نظر دهید

2022-07-20 12:08:30 باز کردن / نظر دهید

2022-07-20 12:07:31 شريفه بت الحسن ع
بحر الطويل
~~~
شريفـــه بت كــرم والجود هيه والنعم مـــنــهـه
ابوهاامـــعـزب الخطار هـــيه تشبهه چنــــهــه

يــحـس بالجود والاكــرام البت الحسن الـيگـصد
عدها الباب مفتوحه گاصــدها بــمـراده يــرد
چــفهه بالعطــه مشهودچــم واحــد الــه يشـهد

شفنـه الـها عطــايه اكبـــار
كرمــــه شــاع باالاقـــطــار
انشد عنـــــه كلمـــــن زار
يرد اوخاطـــره مجـبور ويسولف للنشد عنهــه
❃❥❍ ❍❥❃ .❃❥❍
اخــذتـي الـزود من اهلــج بالحاجات موصــًوفــه
ابـــوچ معـــزب الخطــار چــريم يحي اضيــوفــه
طبـٰــيبه لكـل مــرض ميطيب دواچ الوصفه معروفــٰه

على اعتابچ ذرفــت دمـٰـوع
اجــيـتـچ والگلب مــوجــوع
روحــي اعــلگها الچ شـــموع
چبيره بالــمعـاجز دووم ماتنــٰعــد محــاسـنــهه
❃❥❍ ❍❥❃ .❃❥❍
اناجـــيــچ بــدمع همــال واحلــفچ بالســبـي ويومـــه
واحـــلفـچ بالحســن اليوم وچبــده وشــدة سمـــومــه
وبالحـــره المــشــت للشـام واخـــوهــا مــسلـب اهدومـــه

اريــدن حاجــٰتي منـچ
ابداعـــة جدچ وعمـــچ
بأسرچ وبزغـــر ســنـٰـچ

من بابــچ أريد مراد اسمعي نحبــتي وأنهــــه
❃❥❍ ❍❥❃ .❃❥❍
الـدخل عندچ شريــفه وصــاح يابنـت الحـــسن نــظـره
يـــقره الفاتـــحه ويــنـخــاچ ودمـــوع الحزن تجـــره
يم هــادي اعليـج اليوم يــذب حمـــولـــه من ظــهـره

روحـــي المــرض واليـهه
كل صــعــبه تـــحـليــهـه
دمـــوع العــين نشـــفيٰـهه

دليـــل الــكل گلــب محــتار طبيبـه من زغـــر سـنهه
❃❥❍ ❍❥❃ .❃❥❍
هنياله اليـــزور اليوم شريفه ًيســجد ابابـــچ
يذكـــرچ بالخيم والنـــار ويبچي الحرگـــة أطنـــابــچ
يحــلـفـچ بالجــره والصـــار يهمــل دمـعه لــمصــابچ
نطوف بحــضـرتـــچ ونصـــيـح
على الظـــل بذراري الريــــح
دمـــه بالــطفــــوف ايطــــيح

آه ياحســـين يامــظـلوم نطــوف ابحـــظـرتــچ صحــنه
❃❥❍ ❍❥❃ .❃❥❍
هنياله اليطب دارج وتشمله رحمة المعبود
شريفه يانسل اطياب. يابت الكرم والجــود
من عندج شفاعه انريد ابيوم المحشر الموعود

يبت الحسن ذكريــــنـه
دخيلج لاتخلينـــــــه
موقف صعب تدرينـــــه

يوم البي تخاف الناس شفاعتكــــم الـــتـشـملـنه
❃❥❍ ❍❥❃ .❃❥❍

تــمــت بــعــون الله
#نور _الظهور المقدس(ام ليث المالكي)
لاإجيــز حــذف الأســم

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦• باز کردن / نظر دهید

2022-07-17 18:54:16 عيد الغدير
وزن الشموس
~
هل البشاره اليوم اجتـــنــه من غدير الخيـــر
بيعــٌـــه الحيدر علنــــــــــه بطــــريــــجـه انسير


بشـــــره جبريل اليزفـــه الأخـــر الأئــــــمــه
يارســــول الباري بلــــــغ انـهـض ابـــهــمــــه
الناس لاتــخـشـاهه انـت اعلــــن بـــأســـــمـه
علي من بعــــدك وليـــهم الأمتك رحــــــمـــه

والنكــــر هاي الولايـــــــه خـصـمك ايصيـــــر

الماقبل حيدر اميـــــــره جاحـــد وكـــــافــــر
حب الاصــــنـام ابنفسها اســـلام بالظاهــــــر
انزلت چـم آیـه بيـــهــم كــشـف السرائــــــر
ذوله ماعدهــــم ولايــــه عــمـــيه البصايـــــر

شهد جيــــــل الجيل الهم يــــــــوم الغديـــــــر


احنـــه آمــنــه ونبــــــايع صاحب البيعـــــــــــه
علي من بعدك ولينــــــــه امـــره ونـطــيـــعــه
بيعه وقعنه ابدمانـــــــــه والعلي شيـــــعــــــه
جنود نبگــه اوياه نجاهد. نحمي الشريعــــــــه

والغديره مانضيــــــــــــــع وهوه الأميـــــــــــر


ياهله ابعيد الولايــــــــــه. وياهلـه ابحيــــــــدر
هاذا عيد الماكو مثلـــــــه عيدنــــه الأكبـــــــر
تحله بيه ايام حبنــــــــــه والگلب ينســـــــــر
هالولايــــــــــه الباري رايد الساچي الكوثــــــر

وحنه لبينه اوقبلنــــــــــه لاابد منحيــــــــــــر

مايحير المشه ابدربــــــــه راعــي الـــولايــــه
احنــٰه نعرف ابو الحملــه. بيـــــــــــه الهدايــه
بيعته ذمــــه ابعنقنـــــــــه نرفعـــــله رايــــــه
هــــــوه اول هـــوه اخــــر شاهده الأيــــــــــه

باچــــر احساب الرعيــه يم علــــــي ايصيـــــر


تــمــت بــعــون الله
#نور _الظهور المقدس(ام ليث المالكي)
لاإجيــز حــذف الأســم

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦• باز کردن / نظر دهید

2022-07-17 07:14:12 غدير الخير
نصاري
~~~
غدير الخير بالرحمه اجــــانــه
تمام النعمه والكمال الديانـه


هلـه ومــيـة هله ابيـــوم الولايـه
يوم البيــــــــــه انوار الهدايــــــه
علي بيـده رفـــع للرحمه رايـــــه

بـــيـــرغ للعدل والحگ لوانـــــه


الــبـاري نــصبه وســابـع سمــاوات
غيـــرت مارضــيـنه ابد هيــهـــات
ميـزان الــعــدل واصـــل العدالات

دنيه وآخـــره حيــــدر حمـــــانـــه

دين الله اكـتمل والفـرحـه عمــت
الشـيـعه بيــــك ياحــيدر تــسمـت
الأنس والجان بهذا اليوم فرحـــت
حبك معتـقــد وانـــت رجـــــانــــه


طــــــــه خــٰصصـه بهاي القـــيـاده
عليـــــه ايـــلـوگ تــــاج الســـياده
حبــــه الكـل موالـــٰي بيه ســعاده

ًيضل اسمك علي يجري بدمــــانه


رغما عالنواصب انت سلطــــــــــان
اليوم اهل السقيفه مكدره احـــزان
تضل بــاب العــــلم للحگ مـــيـزان

قســـيم الــــنــار حيدرنه وجـنــانه


غدير المـــــرتـضى عيد الله الأكبـر
نزل جــبريـل والطــــــــــــه بشــــر
الله والــنبــــــــي نصــٰبو حــــيــدر

سطع نـــور الولايه ارض وسمانـــه


اخو المختار هذا علـــــي المحبوب
كل انفاسنــــــه تـــــــهواه والگلوب
گبل يــــوم الغدير من الله منصوب

اليــــــــوم البيعتـــــــــه الله دعانه


تــمــت بــعــون الله
#نور _الظهور المقدس(ام ليث المالكي)
لاإجيــز حــذف الأســم

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦• باز کردن / نظر دهید