كتيير منكم بيقول مفيش وقت أخلص حاجه....! حضرتك عارف/ه إن نف | انت تستطيع _ 𝒚𝒐𝒖 𝒄𝒂𝒏.
كتيير منكم بيقول مفيش وقت أخلص حاجه....!
حضرتك عارف/ه إن نفس الوقت واليوم مرَّ على كتير غيرك وأنجز فيه عادي....ومش حكايه قدرات وكده لأ هو بس بيستغل وقته صح.
تعالى بس أقولك ع شويه حاجات يمكن تفضيلك مساحه من الوقت..)
_ ترفَّع عن التفاهات ...؛ أيواااا ركز كده.... أى حد بتتابعه ومش بتاخد منه معلومه مفيده إلغى متابعته، وأى برنامج بيعطلك عن مهامك الأساسية احذفوا...( ونأكد ع التيك توك.... ده بقى بالأخص لازم يتحذف، علشان الناس اللى بتقول بيضيع وقتى عليه) وأى قناه على التليجرام ملهاش لازمه أخرج منها.... البرامج اللى ممكن تحتاجها كـ طالب التليجرام واليوتيوب علشان تقدر تتابع المدرسين عليهم... الباقي تضيع وقت من وجهه نظري إلا لو انت/ي شايف انه مفيد.
_متشغلش بالك بحاجات كتيره وانت مش قدها أو مش هتخلصها: زي مثلا إنك تاخد درسين أو تلاته في ماده وتشترك أونلاين_ وفعليا في ناس عامله كده_ ... وفي الآخر متقدرش على المتابعه مع الكل ولا حل الواجب.. انت مش محتاج غير مدرس واحد يتابعك وتفهم منه واللى يقف معاك اليوتيوب مبيقصرش . متتابعش 50 ولا 100 جروب وقناه ع التلي محتواهم بيقدموا طلبه زيكم، خليك في اللى بتستفاد وشامل وغالبا فيه الكتب اللى بتحتاجها أو بتتحفز منه بس
متطلعش تلات أربع كتب ومذكرات تذاكر منهم درس،،، هو كتاب واحد وتضيف فيه المعلومات الجديده والملاحظات المهمه وبس.... لكن الحل من كتب كتير عادي
_ البنات القمر بلاش تتكلموا مع أصحابكم ساعتين تلاته ع الفاضي وكلامكم غالبا بيحبطكم أكتر،،،، فـ وفري وقتك وربع ساعه تطمني ع الأهلون والأصحاب والأحباب كلهم .... وخلصت
_ الشباب متحجزش كوره أو تروح جيم وتضيعلك ساعتين قبل وبعد... انزل من بيتك ع المعاد واستغل وقتك في الحل أو سماع درس أونلاين أحسن....
_ لو هتدخل ع اليوتيوب تسمع شرح درس أو باب كامل.... شوف حد بيختصر في فيديوهاته ومش رغاي ويفهمك المعلومه اللى عايزها...( وفي ذكر الموضوع ده فـ عايزه أقولكم إن لما بدأت ف الـ biochemistry ، كنت بدخل أدور ع شرح المحاضره ألاقيها ساعه أو ساعه وربع... لحد م سمعت فيديو ع قناه اسمها. sciences bite حقيقي الدوك اللى بيشرح روعه وأكبر فيديو تلت ساعه وبطلع بالمفيد...... و بكده وفرت ساعه إلا تلت ) فاستغلوا وقتكم صح.
ممكن كمان قبل م تدخل اليوتيوب تبحث ع جوجل.... لو لقيت المعلومه بسرعه هتوفر عليك أكتر.
_متجبرش نفسك تصحى بدري أو تسهر... لأن غالبا لو انت متعود ع السهر ونمت بدري ... بتصحى وخري ووقتك يضيع ع الفاضي... شوف الوقت المناسب ليك في النوم ومتعود عليه ونام حوالى 6 ساعات متواصله.... ده هيريحك جدااا باقي اليوم
_ بدل م تذاكر الدرس في اربع خمس ساعات ممكن تذاكر باب كروته في الوقت ده وتعيد تاني عليه بتركيز... فـ تخلصه في ما يقارب من 6 ساعات وتحل عليه هيثبت جدا بإذن الله
_ نزل كتب نظام قديم pdf أو خدها من حد قريبك كان في تالته من سنتين.... وابدأ بعد م تذاكر تدرب نفسك ع المقالى سؤالين تلاته مش كتير وده بيثبت المذاكره لأنك هتكون شبه بتسمع ع نفسك.... علشان تكون جاهز لأى حاجه ومتتوترش في الآخر
