2022-08-02 03:02:51
الزواج مو مقامرة حتى الواحد يرهن حياتة ومشاعرة وعمرة لشخص يمكن يكون خوش ادمي او موخوش ادمي بنفس الوقت لاتتزوج شخص بس لان اهلك مقتنعين بي لاتتزوج شخص لمجرد عندة شهادة او جميل او حالتة المادية زينة هاي الشغلات مهمه بس الاهم تكون انت مقتنع بتفكيرة وبشخصيتة وطريقة تعاملة وياك او وية الناس الزواج مو الغرض منه انو تدور على وعاء بيلوجي تفرغ بيه جيناتك ورغباتك
مصطلح الحقوق الزوجية مصطلح تافه يحيل الزواج الى موضوع يشبه المحاسبة القانونية وامساك دفاتر حسابية وموضوع مقايضة شنو انطيك وشنو تنطيني بلمقابل الزواج هو شراكة روحية توافقية بين شخصين فقط وكل شيء تقدمة نابع من احساس ومشاعر موضوع الزواج يرادلة صفنة طويلة وتفكير عميق وتخطيط طويل فكرة انو انت ممكن تقضي عمرك المتبقي مع شخص ثاني ملاصق الك بلسكن والنوم وتشاركة كل شي يستحق منك تفكر الف مرة قبل متبادر للزواج لازم يكون عندك بعد نظر للاحداث وتعد سيناريو مسبق عن السلبيات والمعرقلات الي ممكن تمر بيهه انت وشريكك ممكن قرارك يجبرك تعيش بجحيم وينتهي بيك الامر اما مطلق او عايش بلقدرة الالاهية وينتهي بيك الامر شخص بائس مكتئب لا تتزوج بس لان انت محتاج شخص (يخدمك) الزواج مفهوم شراكة روحية مو قائم على فكرة العبودية
بلنهاية اختار بعناية ولا تخاف مادام انت انسان نظيف ربك ينطيك على كد نيتك
(والطيبون للطيبات).
25 views00:02