2023-04-26 19:54:57
نزلة... في ذكرى فاجعة هدم قبور البقيع الأليمه
عظم الله اجرك بهدم البقيع
ما يضيع الثار عندك ما يضيع
...........
يمته تظهر سيدي وتبني المراقد
هدّموها بفتوة من سلطان حاقد
ويالتراب اتساوت ومايمها وافد
تقبل گبور الأئمّه بلا مشاهد
ليمته تبقى طايحه بحكم الوضيع
ما يضيع الثار عندك ما يضيع
...........
بلا مناره گبور آبائك حزينه
عالبقيع تنوح ارجاء المدينه
ننتظر ساعة ظهورك من تجينه
ورايتك تنشرها يالمهدي علينه
من تصيح الثار ولأمرك نطيع
ما يضيع الثار عندك ما يضيع
...........
بيدك اتعلّيها غصباً عالنواصب
للبقيع انزور ويّاك الاطايب
من ضريح حسين نوصل بالمواكب
بثار هدم گبور آبائك نطالب
من مناير قُبّـة الغرقد نذيع
ما يضيع الثار عندك ما يضيع
...........
مثل ما بالأربعينية الزيارة
مشي نوصل للبقيع ونملي داره
ورايتك يالمهدي تُرفع عالمناره
بالصحن تستقبل حشود الغياره
سيدي وبحكمك يلوذ الجميع
ما يضيع الثار عندك ما يضيع
...........
للحسن نوصل نزوره ويعله گبره
ولعلي السجاد باجر تبني حضره
والامام الباقر المظلوم قدره
بأبهه مرقد سيدي باجر ننظره
وجعفر الصادق يظل حصنه منيع
ما يضيع الثار عندك ما يضيع
...........
قربت ايام الظهور ومو بعيده
والهدم مبنه المراقد تگطع ايده
والبناء الطاح بچفوفك تعيده
تحكم العالم مثل حكم الصميده
بثار جدك تاخذ وثار الرضيع
ما يضيع الثار عندك ما يضيع
.................
بعد مرقد مخفي عن عين البرية
من تجينه ينكشف گبر الزجية
تبني للزهره منارة للثُرية
والبقيع يصير مثل الغاضرية
وبحياة الرافضه يعود الربيع
ما يضيع الثار عندك ما يضيع
...............
دولتك يالمهدي تمتد للقيامه
شيعتك ترتاح وتعيش بكرامه
والارض تصبح تحت حكم الامامه
والظلم ينزاح ونعيش بسلامه
كل موالي يهنئ بمنزل رفيع
ما يضيع الثار عندك ما يضيع
سيد زيد الفحام
__________________________________________
711 viewsسيد زيد الفحام, 16:54