2021-07-04 21:37:04
#الأخرس
اول ما التقى الاخرس بعيونها غنالها وقلها :
ضويتي هاي العتمة بنور عيون حلوين .
ووقت عرف انو هيي مكسورة وبتخاف من الحب قلها :
مقدر خوفك ، وحاول يخبيها عن عيون الكل .
ولما بلش يحبها غنالها وقلها :
لقيت الحب الي عشتو زمان .
عشقها كتير وبلش بدو يضحي كرمال تكون الو ، غنالها :
بفوت حروب ودروب لحتى تكوني جنبي .
انجبر يبعد عنها بسبب الظروف فقلها :
خايف تنسيني لو حغيب سنين .
بعدين حنلها لدرجة تمناها تكون جنبو وقلها ياريتك هون ، وبعيد ميلادها هداها كل الاغاني الي اتغنت .
افترقوا!!وقت انخذل منها قلها :
ما توقعت بيوم انك انت تبيع حب سنين يضيع وابكي هم انا .
وبعد بفترة صار يناجي يلي حواليه :
احكولا كانت نوري بين نجوم الليل احكولا من همومي بطل فيي حيل .
ولما وصل لدرجة كبيرة من الوحدة بسبب غيابها غنى وقال :
احكي اليوم لمين؟!..اشكي اليوم لمين؟!
استناها،استناها كتير وقلها :
لليوم بستنى فيكي ، طفي هالنار الي بقلبي عليكي..
ووقت يأس منها وشاف انها نسيتو قلها :
كيف نسيتي؟!،احكيلي كيف قدرتي تكرهيني؟!
حاول يوصللنا فكرة انو الاشتياق صعب وقت نشوف الي منحبو بكلشي حوالينا بس هو مو موجود فقال :
قاسي الفراق لما شوفك بالكل واسمع صوتك بتنادي عليّ .
كانت خيبتو كبيرة وقت قلها :
ضيعت الناس بطريقي للاقيك،خابت كل ظنوني فيك يا جرحي انا
بس بالاخر قدر عغيابها وشرب اخر كاس وقسي على اكتر بنت حبها لأن ما قدرت كلشي ساواه كرمالها
2.5K views18:37