2023-05-25 01:07:08
لأول مرة اطلب طلب ياربي واتعلق بي هلگد، لاول مرة اكتبلك بالعادة بس احچي وياك بداخلي ، وادري انتَ بكل الاحوال تسمعني
يارب ساعدني هالايام وقويني ياربي وانتَ تدري بروحي وتدري بكلشي صار ويايَ
حيل تعبت يا آللهي حيل تعبت واريد عوُّض يردلي روحي
اللهي بحق هذا اليوم المُبارك يارب گلبي تأذى وروحي تعبت هاي صار سنين وانتَ تعرف وشايف كلشي يارب قاتلت بادية ورجليه لحد ما هِلكت روحي حتى اوصل لليوم اللي اريده حِلم بريء ردته واني طفلة وكبر وياي يا اللهي اريد الطب اللي متأكدة حينسيني كل هالايام السودة ينسيني كل اللي عشته وشفته كل كلمة نگالت الي جهرةً او خفاء كل كلمة ماخلتني انام ليلي
عوضني على كل خنگة بلحظات الغروب على كل عصرة گلب بتالي الليل وحدي بس انتَ يمي وشايفني ..
اللهي شيئا لم يكُن بالحسبان
اللهي مُعدل تقُر به عين امي وابي
اللهي من لي غيرك اسئلهُ فيعطيني؟ وانتَ گلت بكتابك الكريم " ادعوني استجب لكم" اللهي وربي لٱ املك الا الدعاء
ياربي هونها عَليه وسخرها
ياربَّ كُن فيكُون يا حي يا قيوم
يارب المعجزات
ها انا اقف بلا حِيلة لاجئةٌ اليك
اللهي مَحد وگف وياي كلها شالت ايدها مني كلها جرحتني ياربي وهمه ميعرفون شنو صارلي بس انتَ تعرف ياربي
اللهي انا لٱ حول ولا قوة والحول والقوة كُلها لَك
اللهي وكلتك امري وامَنتُك قلبي
واودعتكَ حُلمي
فما خاب من توكل عليك ولا خاب من اودعك قلبه وحلمهُ فوداعئك لٱ تضيع
حاشاك
اللهي اقسم عليك بكل دمعة حرگت گلبي وخدي اقسم عليك بكل مرة گلبي يخفق بقوة لدرجة احسه راح يطلع من صدري واخلي عيوني بالسما واگلك يارب گلبي اللهم اني مسني الضر وانتَ ارحم الراحمين، لحد ما يهدأ شوية شوية ويروح الخفقان كأنـه ماكان ياربي محد يعرف شگد صارعت وقاومت وحدي لحد ما حيلي نهد محد يعرف شلون عشت محد يعرف شصار ويايَ ياربي وتدري بيهم شگد اذوني وطلعوا عليَه حچي اني ما مسويته وتدري بيهم شگد فرحوا من شافوني وگعت وما وصلت تدري بيهم شگد استهزئوا بيَه شگد قذفوا عليَه كلام مَينحمل
شگد تاذيت شگد جسمي بلا سبب يأذيني ومحد يفهمني ولا طبيب عالجني غيرك يارب ومثل ما الايام الفاتت خِلصن وگدرت اعديهن بفضلك وقوتك
يارب اوگف وياي بهالايام الصعبة يارب كل يوم جاي افقد صحتي اكثر يا اللهي الهمني قوة وصبر بس يارب
وبقت يمك بعد ياربي منتظرة فرجك وعوُضك يا سيدي ومولاي ومعتمدي ورجائي وملاذي وقوتي .. يارب عوض يتعجب لهُ اهل السموات والارض
6/26
2.9K views22:07