𖤍

2021-08-24 22:44:15 حاول من تغضب تنفس عنه بدل ما تكتمة بكلبك وتظن إنة أختفئ ، لأن بلحظة يظهر ومن دون سابق أنذار ، بالوقت الخطأ ، وللأسباب الخطأ ، وللناس الخطأ ، هذي رذيلة عدم خوض المعركة بوقتها ، حاول تخلي كل شي بوقتة وما تأجل حتئ متستنزف طاقتك للنهاية.

مشاركة باز کردن / نظر دهید

2021-08-24 14:47:40 أسوء شي بالحياة ، هي الحياة بحد ذاتهة والغريزة التدفعنة نحو الملذات ، وإذا تمشي على نيتك وتتعامل بطيبة مع الناس راح تتأذة ، لذلك انصحك تتعامل بطيبة وكل شي تقدمة لتنتظر يرجعلك وبهاي الطريقة راح تموت عندك الغريزة ، وانتة هم تموت ،
ولو تعرفون شنو أمنيتي أمنيتي انو ماكو حياة بعد الموت ، ومجرد التفكير يربكني ويقلقني ،
أخيراً ، اتمنى لكم موتاً سعيداً .

مشاركة باز کردن / نظر دهید

2021-08-23 17:36:39 حاول تكون قدر الامكان مكتفي بنفسك ما تعتمد علئ احد اكثر الاشياء الي تسويها تسويها بنفسك ما تارك اثر علئ كتف احد ، مستغني عن الجميع ، هاي المرحلة تكون أنتة مرتاح بيها ما يهمك غياب احد او وجودة لان ثنينهم واحد ، مشتري راحة بالك الي هي فوك الكل ، تسوي الاشياء التحبها حتئ لو ما حبها احد ، من تكون انسان وحيد صدك تعيش مرتاح اكثر وقتك ، صح بالبداية تكون صعبة وتحس يادوب انتة مستحمل نفسك بس بعد فترة راح تصير انسان كلش قوي ومستقل بذاتة ما يهمه كلام احد سواء صديق قريب بعيد لأن انتة تدري بي اول وتالي هذا مجرد حجي ما يمثلك بذرة ، أستغني عن الكل وأتمسك بنفسك.

مشاركة باز کردن / نظر دهید