نزلة لمولاتي فاطمة الزهراء عليها السلام بويه ما رحموني ابچي د | قصائد حسينية مكتوبه

نزلة لمولاتي فاطمة الزهراء عليها السلام

بويه ما رحموني
ابچي دم خلوني
.....................
فاطمه آنه العفتهه بالظلع موجوعه
ما دريت اصّار بية ثاكله ومفجوعه
ما شفت راحه بغيابك لوعه تتبع لوعه
لا تظن يرتاح بويه الينجرح بظلوعه
من رحت هضموني
ابچي دم خلوني
.....................
تحوّلو عــدوان بويه من غبت اصحابك
نكشفو ونقضوا عهدهم ما رضوا بكتابك
بويه يومين عله دفنك من غبت بترابك
هجموا بنار السقيفه بويه حركوا بابك
فاطمه واذّوني
ابچي دم خلوني
.....................
بويه اعرفه اللي عصرني والسطرني ابعيني
فاطمه گالوله گلهم "وأن" ما تعنيني
حرگ بابي ومن دفعني قاصد يأذّيني
عن علي ابقه ادافع والله ما يثنيني
ما سألت شلوني
ابچي دم خلوني
.....................
الله لا ينطي العصرني الله ياخذ روحه
صابني وطيّح جنيني ما كمت مجروحه
بياذنب ظلعي يكسره ودمعتي مسفوحه
والله من يوم السقيفه عترتي مذبوحه
همهم يقتلوني
ابچي دم خلوني
.....................
من ألم ظلعي يبويه صعبه اجر نفاسي
ما عشت چم ليله بعدك يا اعز كل ناسي
بويه من كثر المصايب والله شيّب راسي
كل دقيقه تمر علية ينجرح احساسي
بياذنب ظلموني
ابچي دم خلوني
..........................
كلها عافتني يبويه بس علي اليرعاني
من يجي يرتاح ظلعي والألم ينساني
بويه وصّيته بوصيّة لو متت بحزاني
لا يشيّعني الظلمني بالأخصّ الثاني
انهظم يردوني
ابچي دم خلوني

الشاعر سيد زيد الفحام


https://telegram.me/aabas78
قصائد لكل ايام محرم اشترك بالقناة