عكيلي للكاظم (ع) ننحب عالكاظم ومصابــه ننحب و ادموع الهم | قصائد حسينية مكتوبه

عكيلي للكاظم (ع)




ننحب عالكاظم ومصابــه

ننحب و ادموع الهم جـمــره
عالمظلـوم وخلص عـمـــره
ياهو اليگدر يوصل صبـــره
وياهو اليحمل نار اغـيــابـه


ما بيــن السجان وغــربــه
مـتـلـوع والهـم أيـعــذبــــه
الله ايساعــد جـمـرة گـلـبـه
مسجــون وتسعــر لهابــه


ما فارك لــوعــة احــزانـه
والكاظم عـايــش ويــانــه
مصدر للشيعه وعــنــوانه
مكـتـوب بنص گلب أحبابه


جـرحـك يالكاظم ما يــبــره
ولسه اتنوح اعليك الزهره
واحنه وياها بهم وبحسره
نبچي بدمعـتـنـا السچـابــه


يبقه اصوابك عايش بينه
يالكاظم وانته الـتــدرينـه
نتنطـر يظهـر مهــديـنـه
واحنه وياه نظهـر طلابه


لاتنسون والدي وأبني عباس من الرحمه والغفران
خادمكم رياض الرسل الجابري


https://telegram.me/aabas78
قصائد لكل ايام محرم اشترك بالقناة