* رئيسية شهادة أمير المؤمنين عليه السلام * [ المُستهَّل ] ي | قصائد حسينية مكتوبه

* رئيسية شهادة أمير المؤمنين عليه السلام *

[ المُستهَّل ]

يـالـتِنشِد إشلونه الحال فاركنه أبونه
فَـگد الأبـو إيـهِـد إجبال فاركنه أبونه

مو مال أشوفه جنازّه
عازة الـوالد عازه

••••

يالتِـنشِد إشبينه نوِن وإحنه إعله صوته نِغفَـه
چاً هو ليِفارگله أبووو بيا حال كون إتْـوصفَـه
والمِثلي مو بَس مِختنگ مِتواعِد إويه اللهـفـه
فارگني أبـوي وضحكتي الكل يـوم أقبِل جَـفـه

لو مَيت سبع موتات بس الوالد إبصِحَه
والله من يمُر طاري يذبحني ألف ذبحَـه

من يگرب إعلينه العيد واحنه يِتامَـه
يكبر جـرحنـه ويـزيـد واحنه يِتامَـه

شلون الحزن نجتازه
عازة الوالد عازه
•••

يا بويه ليش إستعجلت ثوب الحزن حضرته
بدنياي كلشي حَسبت بس هذا ما حسبته
يا ناس ابوي شگد ترف ماكو مثل سالفته
يرادلي حيل وظهر حتى أوگف بفاتحته

أخذ عطر المحنه وراح ذاك الهيبه بعيوني
فارگني سَلَف ينهاب ابوي وشمعة سنيني

شال الفرح شال الشوگ خلاني وحدي
بغيابه أون چن مخنوگ خلاني وحدي

بثوب الجرح نِـتـوازه

——

شحال اليتامه إبغيـبته عاشو إبيت الأحزان
بحنيته لو لمهم علي يِـرعاهم بحُبه چان
من سمعو الوالي إنطبر رتلوا جرح القران
يا خلگ فارگكم علي نشروا الدمع عالبيبان

جان إعله اليتامه إيدْور حد ما تتعب إچدامَه
الله إيعين ابو الحسنين بس من فركة أيتامَه

ياهـو اليجيخم للباب ويمُر عليهم
لو بيده من المحراب ويمُر عليهم

يفرح البشر بإنجازه


••••

يا دنـيه بيمن أبتلي يا نايبه ويا حسره
طبت البيت ابلا ابو تذبح عزيز الزهره
من طبرتك يا والِدي شفت الغياب شكبره
باچر إحسينك ينهضم خياله تسحگ صدره

من طبرة ابوي اليوم باچر تبتدي الغايه
يوگع عالنهر عباس وبيده ترفرف الرايه

طبرت الراس اول دين راس الإمامه
من ينطبر راس حسين راس الإمامه

واللهِ فيها فازَ

••••

جـنّـاز ماشي ابلا فِكر مَشدوه حالي ومتعوب
دافن بشر يسوه البشر محبوب هو ومهيوب
رمضان لو مرني أظل بالحسره والهم متعوب
أفطر ودافن ضحكتي والوالد بروحي إيذوب

من أتذكر الضحكات وأتذكر علي إرسومه
أنحب والگلب ملچوم هذا مو علي يومه

صوت المؤذن لو صاح الله أكبر
اذكر علي حيدر راح الله اكبر

والگلب وَن إيعـازه

•••

سيد علي الميالي الحُسيني


https://telegram.me/aabas78
قصائد لكل ايام محرم اشترك بالقناة