أساسيات للأم الحامل باجر موعد عمليتي شنو احضر ؟ فيتامين k ابره 1 ملغرام عضلي شوكت ارضع طبيعي و اني اجيب قيصريه؟ اول ما يفكك البنج عادي رضعي شوكت انطيه اول لقاح ؟ كلما أبكر احسن و الأفضل خلال اول 3 ايام ابو صفار اذا صار شنو اسويله؟ اذا دمك فصيلته O او دمك فصيلته سالبه لا تطلعين من المستشفى إذا ما تعرفين فصيله دم طفلك اذا دمك سالب و طلع الطفل دمه موجب هنا راقبي جيدا اذا دمك O و طلع دمه A او B هنا هم راقبي جيدا اذا الطفل الاول او الثاني صار عنده ابو صفار يستوجب دخول مستشفى هم راقبي جيدا و اذا عدكم تاريخ طبي عائلي لداء الباقلاء هم راقبي جيدا و اخيرا اذا الطفل غير مكتمل النمو يعني اقل من 9 اشهر جنينيه هم راقبي جيدا اني ارضع طبيعي شنو اخذ فيتامينات ؟ نفس فيتامينات الحمل و ضيفي عليها فيتامين دي ضعف اللي راح ياخذه طفلك شنو انطيه فيتامينات و اني ارضع طبيعي ؟ فيتامين دي من اول يوم و حديد بالشهر الرابع و بدينا بالشهر الثاني و بدا المغص الحكني؟ لا تكثرين رضاعه استخدمي الملهيه تربيت على الظهر بنص الرضعه و بنهايتها رضعيه و هو راسه مرتفع انتبهي للمميه انتبهي لاكلك و ابتعدي عن البقوليات و الحليب و مشتقاته و البرتقال حضري قطرات السيمثكون و اذا ما فادت استخدمي كوليف و بدا الطفل يتقيا ويه كل رضعه شاسوي ؟ اولا جيكي الموضوع ويه طبيبك اذا ترضعين طبيعي ابتعدي عن الاكل الحار و البهارات و المشروبات الغازية ارفعيه قدر الإمكان ارفعي راسه 30 درجه و اذا رضاعه صناعي ممكن تغيير نوعيه الحليب ابني امساك شنو اسوي ؟ اذا رضاعه طبيعي اشربي مي هوايه و اكلي اشياء حلوه مثل الزبيب و المشمش و التين المجفف و الخوخ انت الأم اقصد و اذا رضاعه صناعي ممكن تغيرين نوعيه الحليب خشمه على طول مسدود يمكن ما منظفيه زين اول ما اجه ؟ مبروك عليك الإثم الخنفره بانف الرضيع طبيعي و مجرد قطرات ملحيه و ترطيب جو الغرفه باستخدام المبخره كافي و ظنك السيء بالتنظيف بعد الولاده لا اساس له من الصحه عنده خمول شاسوي ؟ راجعي طبيب ارتفعت درجه حرارته و هو عمره اقل من شهرين شاسوي ؟ راجعي طبيب صار عنده طفح حفاظات شاسوي ؟ غيري نوعيه الحفاظه اولا استخدمي مرهم أساسه الزنك ويه كل تغيير حفاظه انطيه اوميكا ثري يكولون زين؟ ماكو توصيه عالميه بهذا الخصوص يصير اخليه يشوف تلفزيون و هو عمره اقل من سنه؟ التلفزيون ممنوع تحت سنه و نصف منقول
