لو عاوز تنجح في بداية حياتك او في منتصفها او حتي اخرها اعمل ال | عباقرة الثانوية فرنساوي
لو عاوز تنجح في بداية حياتك او في منتصفها او حتي اخرها اعمل الحاجات دي
١. ابعد عن صحابك "علشان هيضيعولك وقت كبير و هيحبطوك و هيكسروا كل ما فيك من قوه علشان لازم الشله متنقصش واحد" ( و ده مش نكران جميل و عارف انها صعبه بس صدقني محدش بيحب حد احسن منه )
٢. حاصر نفسك في مكان لوحدك "علشان تقدر تُعصر خيالك و تنجب منه فكره بنت لذينه"
٣. صدق نفسك "احلم بحلم كبير و صدقه اوي و اوعي تسمح لحد يكذبهولك او يقولك مش هتعرف توصله"
٤. عافر "اجري جري هيستيري بكل ما فيك من طاقه و اوعي توقف جري ابدا حتي لو وصلت كمل جري بس بفكره جديده و هو جري الخوف اللي مبتقدرش في حتي تبص وراك علشان تحافظ علي اللي وصلتله"
٥. اعتبر مشروعك هو ابنك " طفل خلفته و بترعاه رعايه كامله اكل و شرب و دكاتره و مصاريف و مش مستني منه ابدا انك تتسند عليه دلوقتي لاء انت بتقوي عضمه علشان يقف علي رجله و ساعتها هيكون في ضهرك"
٦. تاجر مع الله " و دي اهم جزئيه في كل اللي فات ده..حصن مالك و مشروعك دايما بالصدقه و اوعي تبخل فيها لأن اولا ما نقص مالا من صدقه و هتتردلك اضعاف..ثانيا عندنا مثل في الصعيد بيقول "احرس قصب ب قصب" يعني قطع من القصب و اعمل منه سور علشان تحافظ علي بقيته و ده اللي هيخليك دايما في قلعه كبيره محاطه بجنود الله.
ابداء دلوقتي لأن صدقني مفيش وقت تضيعه
اهم حاجة لما تنجح لازم تساعد الناس اللي عندها احلام في يوم من الايام