مواليد وأفراح اهل البيت

2023-02-24 14:40:33 ابوذيات لولادة الأمام الحسين (ع)

١

بشهر شعبان خله يومه لحسين
وما ننقبل كلنه يومه لحسين
اذا بالحشر بصبع يومه لحسين
نطب للجنه وي ابن الزچيه

٢

چثير اگلوب حبه مارد حسين
اشتغل جبريل عنده مارد حسين
الباري اشطلب منه مارد حسين
فتح باب السمه لبن الزچيه

٣

السماحه الكرم طيبه شع بالحسين
كل نور الولاده شع بالحسين
شرف يكفينه احنه شع بالحسين
انخلقناله خدم لبن الزجيه




١ - يوم ٣ شعبان
٢ - لو لا الحسين
٣ - يومي يأشر

١ - ساحر القلوب
٢ - المارد السحري
٣ - لم يرد له طلب

١ - شاع بالحسين
٢ - الشعاع
٣ - شعب الحسين





لاتنسون والدي وأبني عباس من الرحمه والغفران

خادمكم رياض الرسل الجابري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-24 09:13:48 هوسات للعباس ع


بالجود الگمر گالو يگمطونه
انولد عباس والماي انخطف لونه
ظل يحسب اثاري الخزرة عيونه

طگ روحه الماي اعله جروفه
***
فتح عينه ولگاها الرايه جدامه
مد ايده ويأشر ظل عله حزامه
گام وهزها گاعه بدوسة اجدامه

وهتزت وياها اطفوفه
****
اجت ام النين الكافل اتحمله
رفضها وگال إله ام الخدر إله
اشردت مني العقيله ظلت اتگله

راواها العباس چفوفه
****
رغم ما يوم عمره بس جبل چنه
الهوه فنه يعاين للاخت فنه
فرحة والعقيله يمه تتدنه

وتگله الجيتك ملهوفه
****

الشاعر اياد الديراوي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-23 13:56:55 هوسات :
لذكرى ولادة  سيد الشهداء
الأمام الحسين عليه السلام
..........
أذا عندك مرض لو عوز لا تحتار
ظيف حسين كله أبسفرتك خطار
حاشا ما يقصر  دوم أبو الأحرار

ها ها
أبميلاده ظيفه أنته أو شوفه
.........
أبكل عام اليهل شعبان وعياده
عزيز الزهره عند الشيعه ميلاده
عيد أو عسى الشيعه أمنهل عواده

ها ها
والمهدي أمعيد وياها
........
أبثالث أبشعبان صار حسين أبن عقد الوله
أو كله أبو القاسم محمد ياهله أبسبطي هله
باسه من نحره الشريف أو دمعه عالخد سايله
هذا فخر الشيعه كلها أبيوم عملة كربله

ها ها
أبتضحيته يخلد دين الله
..........
خادم أهل البيت
الشاعر : أسماعيل الجوراني
الخميس 23/2/2023


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-23 00:59:22 ميـت هلا بشعبان وانوار
     للزهره جاي وجايب ابشاره

شهر الـكرم والمكرمه ماتنتهي اعياده
وچم بشره بيه الفاطمه والسيد الساده
هاليوم نفرح والفرح لا مو على العاده
سبط النبي وروح النبي هاليوم ميلاده
   وحسين ذاعوا بالسمه اخباره
    للزهره جاي وجايب ابشاره

غطى الگمر وجها بخجل من شاهد عيونه
والشمس صفنت والنظر لحسين هيعونه
غنى الورد لن الورد كـل لـونه مـن لـونه
وكـل الـفراشات اعتنت فاطم يزورونه
       سبحان رب الخالق ازهاره
      للزهره جاي وجايب ابشاره

جـابوه الجـده للاسم گبـل الاسـم باسه
وحـسيـن هـذا اول بـشـر يتنفس انفاسه
احساس عاش ابنظرته مايشبه احساسه
وبحضنه خله المصطفى روحه وهله وناسه
          گـلـهم محمد نورت داره
        للزهره جاي وجايب ابشاره

  مـبـروك ياحـيـدر عـلي مـو انا سميته
من العرش ياابو الحسن يامحله تسميته
والمصفطى مـن هـالسبط ولده وذريته
وحـسين كـل ال النبي يانـاس من بيته
      سر ومحمد يعرف اسراره
      للزهره جاي وجايب ابشاره


           نسألكم الدعاء
      هاني ناصر السعيدي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-23 00:54:27 هوسات لابي الفضل العباس

……………………………………………………… .

حسين ايناغي وسط المهد عباسه
وزينب فرشت الشيله حدر راسه
حتى ايفوت عطر الخدر بنفاسه
ويظل عهد الكفاله ايعيش بحساسه
وبجفه اظل زينب رايه

…………………………………………………..

ابظهر حسين جانت سكنه و ارقيه
الهن عين لم الكافل اربيه
منتظرات عمهن ينولد ضيه
ويشربن من زمزم جوده
…………………………………………………

بـطلب مـتقدم العـباس للـمعبود
واردلك هالعطيه بعين وي الجود
وي حـسين اريد بهـالشهر مـولود
ينثرلي الورد و انثرله عليه زنود
وياه بالموت و ميلاده
………………………………………….
( سيد خضر الزاملي )

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-22 01:47:15 هوسات
اول منولدعباس     يتلفت يمين ايسار
امه احتارت ابأمره     ماتدري الجره والصار
صاحت وينه ابوالحسنين مدري اشصابه هل المغوار
لمن عاينه اتبسم وگاللها علي الكرار
عل الرايه يدور راعيها
***
جاب الرايه ابو الحسنين   اگبال الگمر خلاها
هودوستقرعباس    حين بعينه شافاها
راد يجربه داحي الباب  اجه وگباله نواها
ابو فاضل بلهفه وشوگ  مدچفه وتلگاها
وگال الها افديچ بچفيني
***
اذا زينب تمرا عليه    وين اتروح راسه يدير
يفرح لو اجت يمه      من مهده يريد اطير
اخته وصاحب الغيره  كفلها وهوه جان ازغير
واليومك متكفل بيها

#الشاعر سعدالعبوي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-22 01:46:13 #مولد رقم ١
——————
شعبان شعبان
يا محله ايامه
شعبان شعبان
بالفرحه انغامه
....
عيد يليلي ومحله ايامك  .. شعبان شعبان
وافرح ينجم بطافي احلامك .. شعبان شعبان

يا محله هالليله .. ومحله العشگ بيها
بيها السبط نوره .. نور لياليها

شعبان شعبان
يابسمة عيوني
شعبان شعبان
اعيادك يفرحوني
شعبان شعبان
الفرحه باحلامه
......
عباس اجه ونار السمه باسمه .. شعبان شعبان
غطه النجوم من الحسن رسمه .. شعبان شعبان
صار الكمر للناس .. نور السمه شكله
بأسمه الاخوه احساس .. اتلوگ اله وتحله

شعبان شعبان
تسحرني لحضاته
شعبان شعبان
تاخذني ساعاته
شعبان شعبان
من جدمي للهامه
.....
سجاد اجه منه ابتدي الفرحه .. شعبان شعبان
ياخذني ليله وطلته بصبحه..  شعبان شعبان
من يصبح بصبحه .. طيف الغزل لونه
اجمل بشر بالكون .. يسحرني بعيون

شعبان شعبان
جن ينطق اياته
شعبان شعبان
حيرني نضراته
شعبان شعبان
للعاشگ اكرامه
....
كل عاشگ بروحه نولد مولد .. شعبان شعبان
يحسبله ساعات السنه ويعد .. شعبان شعبان
ايامه كلها افراح .. ننطرها بالضحكات
كل رمشه بي ياناس .. من اجمل اللحضات

شعبان شعبان
بسماته نعشكها
شعبان شعبان
اعياده نودها
شعبان شعبان
العشگ ما نامه
....
حيدر عيسى البديري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-22 01:45:43  
هوسات لـ ابي الفضل ع
.
.
.


يالمــچنه يالــمعدل يـساس الساس
يالمتروس غيره امـن الجدم للراس
ياعــباس ماكــو اليـشبــه العـــباس
ها   الطين المنه امسوه
خلص يـوم الله السواك
------

السبعين الـف بالطـف انته من طبيت
يتلــولحــن والله ارگــابـــهم خـــليت
عــد عيــناچ زيــنب انـته مـن نـاديت
ها    وروس العسكر وصلت
نص للكــوفـه ونـص للشام
 
حيدر تركي الكربلائي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-22 01:45:16 مولد الامام العباس ع

اليوم زينب ضاحكه ومستبشره
بمولد العبـاس ســــبع الگنطــره
ــــــــــــــــــ✮✩✮ــــــــــــــــــ

منـــــولد كافلهه ــ الباچر ايدللهه
حظرت محفلهه ــ بالولاده……….
ألگـــمر ضـــوانه ــ وزهرت دنيانه
اتهلهل وفرحـانه ــ بالولاده……...
استبشــــرت هليله ــ اتلعبه وتناغيله
وبين اديهه اتشيله ــ بالولاده………

اتصيح سبحان الألآه الصوره
بمولد العباس ســـبع الگنطره
ــــــــــــــــــ✮✩✮ــــــــــــــــــ

ابرايته امگمطـــينه ــ الكافل امسمينه
احزام ظهر احسينه ــ ابوفاظل........
هـوه مرجـــع غيـــره ــ سر صعب تفسيره
ابوصفه اضل ابحيره ــ ابوفاظل……..
سور زينب هوه ــ هوه رمز الخوه
نوره شع وضوه ــ  ابوفاظل……..

استبشرو طه الرسول وحيدره
بمولد العبــاس ســـبع الگنطره
ــــــــــــــــــ✮✩✮ــــــــــــــــــ

للمحـافل رحنه ــ بصوت واحد صحنه
مولده ايفرحنه ــ هذا عيده……..
زينــب انهنيــــهه ــ بالگمـــر واليهه
اشگد ورد نهديهه ــ هذا عيده……..
بالفـرح مــن نقــــره ــ نشم ريحة عطره
انحبه حب عالفطره ــ هذا عيده……..

الشعر وهل العقول امحيره
بمولد العباس سبع الگنطره
ــــــــــــــــــ✮✩✮ــــــــــــــــــ

اسمه بالدم يجري ــ هوه روحي وعمري
المـادره خل يدري ــ بيه هايم………
افـرح ابطـــاريه ــ حبه عايش بيه
انفاسي عباسيه ــ  بيه هايم…….
دار حيدر داره ــ مولده احلى ابشاره
اتبركت بنواره ــ بيه هايم……..

لغز حبه ابگلي محد فسـره
بمولد العباس سبع الگنطره
ــــــــــــــــــ✮✩✮ــــــــــــــــــ

           الخادم
كامل السعيدي


https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة باز کردن / نظر دهید

2023-02-03 22:17:32 ابوذيات في محبة امير المؤمنين علي بن أبي طالب عليه السلام

مثل شمعون انته ومثل يوشع
يلنورك غلب كل نور يوشع
جنوني خبر بين الناس يوشع
جنوني بحيدره حامي الحميه

★★★★★★★★

بعالي الحس انادي گمت وصيت
انته الجاه يابوالحسن وصيت
يامن باليتامه علي وصيت
توصي بالقيامه كون بيه

★★★★★★★★

بوديان العده واحنه علينه
خله البلحقد ينظر علينه
منين ألهم علي يشبه علينه
عدهم بس ثرى وعدنه الثريه

الشاعر حسن لعيبي الحريشاوي


https://t.me/joinchat/AAAAAEFVSMd2pvMFlLPXYg باز کردن / نظر دهید