ثكيلة للأمام الصادق ع ************ بجت العيون يالصادق بجت العي | قناة قصائد وألحان

ثكيلة للأمام الصادق ع
************
بجت العيون يالصادق بجت العيون
صدك مانوصل لكبرك ننوح شلون
إلك احباب ندك ياباب
************
يبو الكاظم غريبه الليله احبابك
تنوح وتنحب بحسره عله امصابك
عله جبدك عله صوابه وعله اغيابك
وعله كبرك تريده وماكو ابوابك
الكبر مهدوم يالمهدي الكبر مهدوم
بلا كبه ومنارات الكبر مهدوم
نريد اجواب ندك ياباب
************
يمن عمرك كضيته تبجي لحسينك
بصلاتك تدعي للمهدي وتهل عينك
إبخدمته تريد إمامي تخلص سنينك
وتنصره بالظهور السيف بيمينك
يثار حسين وتنادي يثار حسين
ويثار متون عماتي وجفوف اثنين
بدمع سجاب ندك ياباب
************
شفت جم نار عدوانك يوجوهه
وسط دارك والاطفال روعوهه
ذكرت حسين وخيامه يحركوهه
وزينب بالبراري هناك ضربوهه
عله الاطفال تتلوع عله الاطفال
ذكرت حسين بالمصرع بقه بياحال
بلا أصحاب ندك ياباب
************
يجي الليل بظلامه وتنحب بحسره
عله مصاب الذبيح الماشرب كطره
ومن تذكر خيول الهشمت صدره
تذكر جم ضلع من امك الزهره
صور وتبات بعيونك صور وتبات
تجرح عينك الدمعه عله العمات
الرمش هم شاب ندك ياباب
************
دعينه ايعجل الطلعه إله الكون
خلص دمع الصبر منه وبجينه عيون
البقيع ينادي كل ليله مثل ذو النون
سجوده طال يالمهدي وهدل المتون
إلك جم ثار ويتاني إلك جم ثار
تعال كبور اجدادك عليهه احجار
دكافي غياب ندك ياباب
**************
أم علي



https://t.me/joinchat/AAAAAEDmhry-erSikLSvSQ
قناة للقصائد مع الالحان للاشتراك

كروب قصائد والحان منبريه اشترك
https://t.me/joinchat/AAAAAD7f0FNmkN2JjlNIBw

للتواصل مع الناشر @Abas747