2021-06-08 10:52:20
للامام الصادق عليه السلام ....
الصادق بحساسه عاشورآ بنفاسه
____________________
الصادق منهاجه .. كل خادم يحتاجه .. تبيان الكل حاجه
خل نرجع اله
گال اسمع يلخادم .. لتقلد اي عالم .. قلد بس الفاهم
لوعة كربله
يفهم حچي الدموع
عنده الدمعه مشروع
لو ون صوته مسموع ..... للضامي
يشبه عابس او جون
حيل ابحبه مجنون
ذابل واصفر اللون ......... للدامي
مايبعد عن ناسه عاشورا بنفاسه
____________________
الصادق يتكلٌم .. للرايد يتعلّم .. كل ليله يتألّم
ويعيش العشگ
كون ايحس ابروحه .. للشاطي مشبوحه .. وآماله مذبوحه
خيمه او تحترگ
يلگط صاحب الزين
اليبچي ع الحسين
وايعلمه اعله الونين ... يوميه
من يبحث عن الذات
ذاته يلگه عبرات
للراحن سبيات ..... ظهريه
وامشيّب هم راسه عاشورا بنفاسه
____________________
من گلبه يتمنّه .. بدموعه گال النه .. اشگد بيكم من ونه
ونو العمتي
اليذكرها ابدمعاته .. مرحومه عبراته .. مقبوله حسراته
هذي چلمتي
اليبچي الزينب ايصير
عند الله نبي اچبير
هاذه ادنه تقدير ...... للخادم
لدموعه مقامات
تصبحله كرامات
يحيي بيده اموات ... للوادم
ايشد ظهره عباسه عاشورا بنفاسه
____________________
يرويها اچم مصدر .. هالكلمه من جعفر .. كل مجلس تتكرر
احيو امرنا
كل ليله ابچوله .. للضامي واقروله .. لطمو له كتبوله
انتم ذخرنا
احيو امرنا او دوم
هلو المدمع ادموم
صيرو ابخدمته انجوم ..... تتلاله
دين الله الشعائر
قبلتنه المنابر
مصحفنه المناحر ... واطفاله
كل خادم مقياسه عاشورا بنفاسه
____________________
وياكم كل مجلس .. ياشيعه آنه اجلس .. چي اعرف يتقدس
دمعاته المحب
وي امي نتعنه .. كل مجلس بي ونه .. ويا صوت البي حنه
وياه ننتحب
نگعد يم اليصيح
انلم دمعه الذي يسيح
وانسجله احنه تسبيح واعباده
ع الزهره الدمع دين
يرجع كله بعدين
والباچي عله احسين وولاده
اترفعه من ساسه عاشورا بنفاسه
____________________
يالخادم بالختمه .. احچيلك هالكلمه .. لو رايد تفتهمه
منهج مذهبك
لتعوف احسينيتك .. خلها تصفي نيتك .. سلمهم ناصيتك
واربح مكسبك
اخسر كلشي بالكون
بس لانخسر ام عون
اخدم وانت ممنون .... للحره
اطلب منها تسديد
خل حظك علو ايزيد
آخر چلمه وانريد ........ هالمره
تحفظها كل ماسه عاشورا بنفاسه
____________________
ابو فاطمة الطائي
الناشر عباس التميمي
https://telegram.me/aabas78
قصائد لكل ايام محرم اشترك بالقناة
كروب قصائد والحان منبريه اشترك
https://t.me/joinchat/AAAAAD7f0FNmkN2JjlNIBw
6.1K viewsام علي, 07:52