هوسات في ذكرى شهادة الإمام الحسن العسكري عليه السلام بمصيبة | نعي ابو ذيات هوسات

هوسات في ذكرى شهادة الإمام الحسن العسكري عليه السلام


بمصيبة والدك يا خاتم العتره
إجينه بتعزيه وطبينه للحضره
وأكيده ويانه حاضر تسمع شنقره
ودموعك من دم تجريها


دمعتنه جريّه اليوم من أجلك
نواسي المنتظر بيها ونواسي أهلك
يبو المهدي ونحسبه هذا من فضلك
توفيقك هذا وتسديدك


إجينه ابكل عزيمه أحنه ومواكبنه
بسامره وبلد هاليوم عسكرنه
بيوم العسكري أنقدمله خدمتنه
ابخدمة زوّاره وأحبابه


لأن ندري خدمته مكرمه ورحمه
على طول الدرب صفينه للخدمه
بشهادة عسكرينه شنملك أنقدمه
ونقدّم الأرواح الأجله


هاي بيوتنه مفتوحه ليل نهار
وهله ومية هله باللي تعنه وزار
أحنه ضيوف عنده وهو راعي الدار
يا دار ايطبله ويدخلّه


ابخدمة كل فرد جايك توزمنه
وشرف هاي الخدامه وهذا واجبنه
يبو المهدي طلبنه انريد تقبلنه
وتكتبنه بدفتر خدّامك



الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات