( وضوح الغاية ) لن أكون مبالغا لو قلت أن هذا الموضوع من أخطر | عبدالله الهاشمي
(وضوحالغاية)
لن أكون مبالغا لو قلت أن هذا الموضوع من أخطر مواضيع الوعي وخاصة الجزء المتعلق بالأهداف، أحب هنا تنويرك بهذي المسألة لأنها سوف تختصر عليك كثير من الوقت ..
سوف أضعك مباشرة في عمق الموضوع ولن أطيل عليك كثيرا بالمقدمة، دعني اوجه لك هذا السؤال : لماذا تريد الحصول على هدفك؟ اكتشف الحقيقة، لو كنت مثلا تريد إنقاص وزنك ؟ أو الحصول على علاقة؟ أو السفر للخارج لاكمال دراستك ؟ أو تعلم موهبة معينة؟ حددها بالضبط ثم واجه هذا الهدف بكل تجرد وأسال نفسك : لماذا اريده؟ ماهي غايتي من تحقيقه؟
إنقاص وزنك مثلا لماذا تريد ذلك ؟ ممكن يطلع لك عشان صحتي ومنظري يصير جميل، اوكي غاية جيدة لكن ليش للان ماتحقق؟ لو كان بالفعل هذي غايتك ليش للان ماتتحقق؟ المفروض لو غايتك حقيقية اهدافك يكون تحقيقها مثل الماء !! ابحث عن الغاية بصدق فتش عنها، راح تلاحظ غايات مزيفة وملوثة، ممكن يطلع ابي انحف عشان اكون افضل من ولد عمي، ابي انحف عشان اقهر فلانة واشوفها منقهرة مني، ابي انحف عشان احسسهم اني ارشق منهم ويحسون بالعار من انفسهم، يالهووووي !!
ليش تبغى تتزوج او تتزوجين؟ اكمل نص ديني واخلف عيال عشان يشيلون اسمي، وهي تقول ابغى اتزوج عشان اكون أم الخ ... حلو طيب ليش للان ماتحقق الهدف؟ بعد التنبيش طلع يريد الزواج مو عشان دينه ولا عشان يحملون اسمه من زين اسمه .. طلعت الغاية هرب من الشعور من العار، اخاف يتهموني في انوثتي، ابي اتزوج عشان انتقم من اللي كانوا يعايروني اني مااصلح للزواج
هذي الغايات تسلم عليك وتقولك قابلني لو تحقق هدفك، إن مسألة تصفية الغايات من زيفها هو تذكرة العبور لتحقيق ماتريد بإذن الله
