القناة الرسمیةللشاعر الحسیني عبدالامیرالناصري

2022-08-28 13:34:24 قصیدة: یزوّار
ـــــــــــــــــــــــــــــــــــــــــــ
یزوّار..مرحبا بیکم یزوّار..عیني علیکم
ــــــــــــــــــــــــــــــــــــــــــــ
أنا العـباس ابوالرایه...هلا بیکم یمـشّایه
فرحتي بیکـم أهوایه..یمن جیتوني عنّایه
چفـیل وناطي احـچایه..یزوّار أنتو بحمایه

یزوّار..ایدي بیدیکم یزوّار..عیني علیکم
ــــــــــــــــــــــــــــــــــــــــــــ
ترحّب بیـکم أچـفوفي..یمن گصدیتو لطفوفي
فتحت ابوابي لضیوفي..کریم و هذه معروفي
مثل ما تشطر أسیوفي..ألاگي الزایر ابشوفي

یزوّار..أعشگ مشیکم یزوّار..عیني علیکم
ــــــــــــــــــــــــــــــــــــــــــــ
احب الیعـتني الداري..هلا و مـرحب یزوّاري
بعـدها ما طفـت ناري..عله کل موکب آثاري
ابچفوفي چم نهر جاري..أروّي بیها خطّاري

یزوّار..أفزع وجیکم یزوّار..عیني علیکم
ــــــــــــــــــــــــــــــــــــــــــــ
هـلا یل جیـتو یم بابـي..أعـدّنکـم من أحبــابي
المجیکم حاسب احسابي..الزیاره أتخفف امصابي
الیـسلّم یسـمع اجوابي..اذا بس یوصل اعتابي

یزوّار..أسمع حچیکم یزوّار..عیني علیکم
ــــــــــــــــــــــــــــــــــــــــــــ
الیجیني زایر أبهِـمّه ..چفوفي أتسنده وأتلزمه
أروح أویاه لبـوالیمه..وأکتـب عالگبر أسمه
وعـد مـني أضل یمّـه..و شکرنّه عله الخدمه

یزوّار..أشکر سعیکم یزوّار..عیني علیکم
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره باز کردن / نظر دهید

2022-08-27 15:27:38

باز کردن / نظر دهید

2022-08-27 15:26:56 باز کردن / نظر دهید

2022-08-27 07:54:50 باز کردن / نظر دهید

2022-08-25 11:25:01 .
‌‎[ بين الخيام ]






‌‎أداء الملا #حسن_شناوه
‌‎كلمات الشاعر عبدالأمير الناصري

‌‎ليلة 2 محرم الحرام 1444 هـ - 2022 م
‌‎#حسينيه ال بوحمد - دولة الكويت باز کردن / نظر دهید

2022-08-24 13:35:07 قرحت جفونك من قذى وسهاد
إن لم تفض لمصيبة السجّاد

فأسل فؤادك من جفونك أدمعا
وأقدح حشاك من الأسى بزناد

واندب إماماً طاهراً هو سيّد
للساجـــدين وزينة العباد

#عظم_الله_اجوركم_واحسن_لكم_العزاء_باستشهاد_امام_المؤمنين_الزاهد_الامين_وزين_العابدين_علي_بن_الحسين_السجاد_عليه_السلام باز کردن / نظر دهید

2022-08-22 19:39:32 شوط کربلایی..للامام الحسن ع
ـــــــــــــــــــــــــــــــــــــــــــــــــ
الله ایساعد اعیونک..عله الهم یاعلي السجاد
مصابک یاحلیف الجود..عله امصاب الدهر یزداد
ـــــــــــــــــــــــــــــــــــــــــــــــ
عرفتک من حزن گلبي..و عشت بهموم آلامک
أصیبن گلبي بالحسرات..و أحن لمخالف أیامک
متت من حُرگه لبگلبک..وکلشي الشفته جدّامک

عشت عمرک جرح ملچوم
واعیونک تصب ادموم
علیک النایبات اتحوم

زمانک ما رحم ویاک..تجرحک لچمة الأصفاد
ـــــــــــــــــــــــــــــــــــــــــــــــ
قلیل الیذکر احزانک..و مأسآت العشت بیها
انته الجامـعه ابنحرک.. تگص و دمک اعلیها
یکفي انته الشفت بالعین..عمتک هجموا اعلیها

من حرگـوهن الاطناب
چنت یمها وشفت لمصاب
تشگف من علیها اصواب

عمتک بعد ابوفاضل...طاحت من خیمها اعماد
ـــــــــــــــــــــــــــــــــــــــــــــــ
حیاتک سیّدي کلها..غدت مجهوله بین الناس
و الما یعرفک یجهل..مقامک والظلم مقیاس
انته الي بعد عباس...للحره صرت عباس

خذوک امچتّف ابحالک
یحوم اعلیک چتّالک
بس ماگدر یدنالک

شاء الله تضل عایش..الکفاله ابرگبتک تنعاد
ـــــــــــــــــــــــــــــــــــــــــــــــ
شاءت حکمة الباري..نحرک ما یذبحونه
ثجیل السوط اذا ینزل..عله امتونک یخلّونه
انته الي شفت لحسین..عالغبره یدوسونه

راسه اعله الرمح شالوه
عاري اعله الترب خلوه
من ماي العذب حرموه

آه اعلیک یالسجاد...تصبر والصبر مافاد
ـــــــــــــــــــــــــــــــــــــــــــــــ
الما یعرف قدر شانک..جهل حگک ابکل ذمه
متت من الغدر مسموم..وچبدک ضل یصب دمه
یم گبر النبي منعوک..تنام و تندفن یمه

تشیّع نعشک الألام
ولازم بالبقیع اتنام
احزانک تشـیب الهام

اذا یکثر ونیني اعلیک..آخذ من ونیني أمراد
ـــــــــــــــــــــــــــــــــــــــــــــــ
ظلام ارض البقیع اعلیک..صایر للحزن خیمه
محد یوصل ایطوفک..غریب و نایم ابهیمه
تضل مظلوم یامولاي..هظمک یاهو لي جیمه

لا زایر یجي ایطوفک
ویگدر یعتني ایشوفک
بعدها ابگیدها اچفوفک

امل عندي اجي مشاي..و طبّن یم بقیعک غاد
ـــــــــــــــــــــــــــــــــــــــــــــــ
تراب الگبر لمصابک..ضیّع شوفة الناظر
لا گبه و لا حضره ...و لا یمک یمر عابر
یمته للبقیع ایصیر...درب مشایه للزایر

و ننصبها مواکبنه
ویم گبرک مجالسنه
نصیح ابآه و أبونه

مادام النفس موجود..کل هذه الحزن ینراد
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..محمره باز کردن / نظر دهید

2022-08-22 15:43:02 (شعار المشايه)
ك: عبدالامير الناصري
اداء:سيد علي الموسوي
الهندسه:سيد جميل العبودي باز کردن / نظر دهید

2022-08-22 15:43:01 شعار المشایه....اربعین الحسین ع
ــــــــــــــــــــــــــــــــــــــــــــــــ
عله الرایه..عله الرایه..حبیبي أشگد حلو أسمه عله الرایه

عله الرایه..عله الرایه..کتبنه یاحسین وجینه مشّایه
ــــــــــــــــــــــــــــــــــــــــــــــــ
بدت خطواتي..کثر دمعاتي
سلام الله اعله کل دمعه ألي أبچیها
عدد آهاتي...احس عبراتي
طریق الدمعه عیني و کون أمشیها
زیارة روحي..دعاء اجروحي
تزورک دمعتي ابکل خطوه احس بیها
صحتها أبنوحي..أحبن روحي
سلام الله اعله روحی أحسین شاریها

عله الرایه..عله الرایه..وعد کل اربعین أنسجل احچایه

عله الرایه..عله الرایه..کتبنه یاحسین وجینه مشّایه
ــــــــــــــــــــــــــــــــــــــــــــــــ
سبب تکویني.. بدایة دیني
حسیني الهویٰ و عباسی وجداني
سوالف عیني..احب احسیني
خلقني و للحسین الباري أنطاني
عشت بآلامي.. احس أجدامي
یجر بیها أشتیاقي و شوگي مشّاني
لگیت احلامي ..تزور الضامي
مشت من عیني حد ما وصلت الساني

عله الرایه..عله الرایه..چفوف القابضه للموت وفّایه

عله الرایه..عله الرایه..کتبنه یاحسین وجینه مشّایه
ــــــــــــــــــــــــــــــــــــــــــــــــ
طریق الخدمه ..عشگته أبهمّه
مثل کل النوارس لمّن اتهاجر
یمحله اللمّه...تصیر الیمّه
عجیبه الگعده حلوه اتسر الی الناظر
وصل هجراني..العشگ ناداني
ابوفاضل یرحب شفته بالزایر
ترکت اوطاني..هلی و خلّاني
ارید اوصل حبیبی والجدم سایر

عله الرایه..عله الرایه..اثر چف الگمر و ازنوده تچّایه

عله الرایه..عله الرایه..کتبنه یاحسین وجینه مشّایه
ــــــــــــــــــــــــــــــــــــــــــــــــ
تجي عنایه ...نفوس اهوایه
غدت تسبگ مشینه ابروح ملهوفه
شعار الرایه... حچي المشّایه
ملک یستقبلون الزایر أنشوفه
فتح ابوابه.. وگف یم بابه
عزیز الله الحسین و رافع اچفوفه
یشوف احبابه..احت لعتابه
لذالک دز حبیب أیرحب أضیوفه

عله الرایه..عله الرایه..نزل وحي الحسین و رتّل الآیه

عله الرایه..عله الرایه..کتبنه یاحسین وجینه مشّایه
ــــــــــــــــــــــــــــــــــــــــــــــــ
نزور الغالي... ابدمع متهالي
دعاء الزهره حافظ هالخدم کلها
تمر أبّالي ..اشوف اگبالي
رقیه و للحسین أویاي اوصلها
وحگ هالطفله..خدمتي تحله
الک یا ابو رقیه الروح أبذلها
الیحبک یعله..اشوفک قبله
أحب چلمة الخادم ما أبدلها

عله الرایه..عله الرایه..تحن ضلت رقیه ابروح شچّایه

عله الرایه..عله الرایه..کتبنه یاحسین وجینه مشّایه

ــــــــــــــــــــــــــــــــــــــــــــــــ

کلمات خادم الحسین ع
عبدالامیرالناصري
اربعین 1439
@abdolamiralnaseri باز کردن / نظر دهید