غيابك طال وسألوني عنّك ناس كتار قالولي تركك وغاب خلص انسى | لـ عبدالرزاق سيد عمر

غيابك طال
وسألوني عنّك ناس كتار
قالولي تركك وغاب
خلص انسى
أو اتناسى
ماعاد للمشاعر مطرح
والذكريات صارت جوا كتاب الماضي
يلي صار لازم أنو يتسكر

سمعت عنك خبار وخبار
قالو عايش
ورايق
ومتهني
قالولي متجاوز
ومتخطي
وعم يحاول يبلش من جديد
مع حدا تاني
بقلب تاني
وحياة جديدة
بعيدة عن كل الحنين والتمني
يلي قاعد أنا عم أحلم فيهن
وعشّم قلبي بالرجوع ..

خانتني الظروف آسف
وقلبي ماقوي عالفراق بعرف
ولسا مخبيلك حكاوي كتيرة وخبار
لسا عم ابني حياتي على وجودك
وأحلام مآمن أنو مالها وجود

صعبة فكرة اني كون
مضيع من عمري سنين وشهور
وأنا عم ابني أحلام وارسم حياة
بقلم مكسور ..

بعدني متل ماتركتيني
بعاداتي وشكلي وتفاصيلي
بس الفرق إنك
وحشتيني..!

لـ عبدالرزاق سيد عمر