الليلة الثانية (ليلة الخدمة) مقدمة عزاء اكبر احلامي تخلص | الشاعر عبدالله الفريجي
الليلة الثانية
(ليلة الخدمة)
مقدمة عزاء
اكبر احلامي
تخلص ايامي
بخدمة الضامي ابا عبدالله
………………………….
انه طيرك ما اندل غيرك
سمة حبك صارتلي وطن
ما اخليّ يدك جوه اضلوعي
لو كلبي على غيرك حن
نسمة حبك مرت بيه
ورسمت بين اعيوني ضعن
وعيوني من ذيج اللحضه
حبنك وبحسرة بجن
.
بعيني ما يحلى
غيرك ويغلى
يالفركتك ذلة ابا عبدالله
…………………………….
خليني اتخلى عن كلشي
وكلبي غيرك ما يرغب
يالمخليّ كلبه يتخله
على مودك من دينه وهب
يا ابو رقية بهاي الدنيه
منو غيرك يسوى ينحب
ياهو يعيشني بالراحة
وعلى مودي يضمه ويتعب
.
انت حب گلبي
وخدمتك دربي
راحة الك تعبي ابا عبدالله
……………………………..
عيشني اوياك بكل لحضه
عيشة شريان اويه الدم
ما اريد اذكرك وابجيلك
بس من يدنالي محرم
احرمني اليبعدني عنك
يال عنه الماي اتحرم
وبگلبي نارك خليها
كون اشعر گلبي مخيم
.
خليني خَدامك
ارزقني الامك
ودمعة لخيامك ابا عبدالله
…………………………….
متهمني الناس ومرضاها
لو عدهم مولاي ازغر
هي ايام واغفى بگبري
ويغطيني تراب البر
التهمني الدمعة لشفافك
العطشانه بذاك الحر
هاي الدمعة التخليني
بعيون الزهراء اكبر
.
للضمة وضيمة
ونومك بهيمة
وج بالگلب خيمة ابا عبدالله
…………………………….
مولاي التهضم دلالي
وما خلت گلبي يبرد
وخلتني اهوى صوت الناعي
وما انزع ثوبي الاسود
زينب شافت خيل اتعنت
وللخياله انت المكصد
شسوي وتبعدهن عنك
خيول اهواي وما تنرد
.
اخيول اجت عشرة
سابگت عِشرة
موقف شكبره ابا عبدالله
عبدالله الفريجي
اللحن @hiedr20
