ادخيل الاكبر ادخيله ذاك الطول المفّي الفواطم ادخيل حنيته الم | الشاعر عبدالله الفريجي

ادخيل الاكبر
ادخيله ذاك الطول المفّي الفواطم
ادخيل حنيته المربيه كمر هاشم
شاب واحلامي عفتها برحمة ايده
واكبر احلامي اضل لحسين خادم
.
الغيور الهاشمي
بحنانه الفاطمي
زرع حبه بدمي
علي الاكبر
.
غرامه رباني
بخيامه دلاني
اخدمه خلاني
علي الاكبر
………………………………
ادخيل الاكبر
امنت كلبي وشبابي ابعشك كَلبه
وعفت كل الدنيه من جاساني حبه
اني احبه وروحي مملوكة لجماله
واليحب ابن الحُسين يحبه ربه
.
اذا طاريي مرني
لجماله ياخذني
دخيله الدللني
علي الاكبر
.
حلم يمشي بدمي
كضه عمري بحلمي
عبد الاكبر اسمي
علي الاكبر
………………………………….

ادخيل الاكبر
مثل ما ضوه امس خيمة عمامه
يضوي حبه كل گلب شايل غرامه
دخيل ذيج العين التندي مهابه
العلم الدنيه شنو معنه الشهامه
.
اليحب اهل الخيم
على كلبه انرسم
شهم يحمي الحرم
علي الاكبر
.
علي وعمه الكمر
ضهر يسند ضهر
خذه كلب النهر
علي الاكبر
………………………..
ادخيل الاكبر
المن بعيد تبين مروته وجماله
حسين يخاف عليه من خياله
يغطي وجهه كبل من يطلع وياه
خاف عين تحسده وتغير دلاله
.
اويه ابوه عاش احلى حب
كلب عاشك كلب
مثل ماي الشرب
علي الاكبر
.
ضعن ام الحسن
شحلته من ضعن
وطن عاشك وطن
علي الاكبر

……………………
ادخيل الاكبر
من وكت بيه ما احس بجروح عمته
من دمع ما طاح لو ذكرو غربته
من وكت حلل عطش عمته الاميره
ادخيل ريشاته الشهم ودخيله بخته
.
اذا كلبي برد
واحسنه ابتعد
يخلي لبعده حد
علي الاكبر
.
اروح اركض اله
وغرامي يدلله
ويدليه كربله
علي الاكبر
……………………………