يا خويه يا خويه اه يحسين يا خويه ...................... امن | الشاعر عبدالله الفريجي

يا خويه يا خويه
اه يحسين يا خويه
......................
امن التل اجيتك /يا ابو المحنه
كوم ورجعني / لديار اهلنه
ما عندي غيرك /يا ابو الاكبر
وفاركني فّييك / وطاحت خيمنه
.
التهضمني حركوهن
خيمه خيمه اكبالي
ومن وجت اخيمنه
بيّن خويه اخيالي
.................................
يبن امي اجيتك /محترك دمي
غيرك سمعته /يتلفض اسمي
الدللها كلبك / حركو كلبها
وجيت اشتكيلك / يا خويه همي
.
العطش ما همني
ومن عنده ما اتعب
بس الحركت كلبي
الغربه صاحت زينب
..............................
الكطعت كلبي / يا ابو رقيه
شافت خيالي . اعيون اجنبيه
من جنت انت / اتحامي خيمنه
النسمة الغريبه . ما تمر بيه
.
جنت الهوه تشمه
يالله يطب لخيامي
تالي اكبال الغربه
ركضت خويه اجدامي
....................................
لمن ركضنه /الكم يخوتي
صحت لرقيه /وانسمع صوتي
بساعتها خويه /كلبي وجعني
بذيج الثواني /اتمنيته موتي
.
هذا الجرح يهضم
ما ينسد بدمعه
تالي عمري صوتي
ياهو الجان يسمعه
....................................
واخر حسراتي / يا ابو الغيره
بالفجر عنك / امشي اسيرة
اندارت الدنيه / وراحت ايامي
وصارت غريبه / الجانت الاميره
.
اندارت خويه الدنيه
وي سلطانه فاطم
وخلت اليحديني
العطش بني هاشم
..