#قبل_لا_ينطبر على حسين وعَليه رايح وجاي وترجف ايده كل مايشرب الماي قبل لا ينطبر كام خيّط بيده الخيام يناشغ بالحجي وعيونه ذبلانه اول مره اشوف امبلله اردانه الشال الدينا كلها اجدامه ثگلانه يباوعلي ويكف دمعه ومقلت عينه مثل الدم گتله اشايل بجفك كال اقماش المخيم كعد ينعى ويخيطلي ومن عاين الي اتلثم من شيلت الزهره ياخذ علوگ ويحطها اعله القماش وتطلع تلوگ ما ادري الابو شضام خيّط بيده الخيام . . . . كض خاصرته من شاهد حجي عيوني كتله شيوجعك أشر على امتوني ملامح وجه توحي ليه يسبوني اول خيمه الي خيّط ام وجهين سواها كتله خيمتي حلوه بچه وال (يُمه) علاها يگلي بلكت الله النار شويه شويه ممشاها بسواد عيونه اشوفن ضعن ذبلان وروس وهِزّل اوياها نسوان وشفت بعيونه الايتام خيّط بيده الخيام . . . . صاح حسين راد ايشربه من مايه وگَله بداعت امك اشرب هوايه عنك باجر ابعيده المسنااايه العرب والمو عرب باجر أللامتهم تصير اللب البيهم شايب وتعبان بطعن جسمك يرد ايشب احشائك من تهب عالماي عليك الگوم كلها تهب وحْدك بالمعاره وخشبه الالسان وضهرك عالشريعه ابلايه ذرعان ولَمَن گله تحتام خيّط بيده الخيام . . . . اگلاده من الدمع راسم على صدره وكلساعه يطب لحجرت الزهره بهضمه يلزم الحيته ويجر حسره شم صدر الحسين وطاح وگال اطلابته اويه الخيل ينازع باجر بوَحده وتضل تسحگ لحد الليل وثلث مرات كام وطاح وبممشاه صار ايميل اول مره اسمعه ايگول احاه ويطلع گلبه كلَما تطلع الآه ورغم ما يمطر آلام خيّط بيده الخيام . . . . حجالي اعله الهزل والسوگ والكوفه وشلون امنَ اطبن ليها مجتوفه وُگع من گال طولج وادم اتشوفه أشر عالقماش وكال باجر يحترگ كله للشابع ركض وادوار صعبه خطوت الهزله المضيع اخو بالخيل بعد بالدنيا جا شله الشام الاگشر ايحط بالگلب نار تتمضحك الناس اكبار وصغار ولَمَن گتله يا شام خيّط بيده الخيام الشاعر عبدالله الشويلي 1.6K viewsعبدالله الشويلي, edited 21:15
