آختار منی تاپ ، ایتمیشم آشوب جهاندا
غرق اولدی وجودیم نجه گور قعر زماندا
ساتدیم چوخ اوجوز عمری ، هوا و هوس ایچره
گوردوم یری ، امّا بوکیلان قدّی آلاندا
غفلت گجه سی هچ خبریم اولمادی آی یوخ!!!
دوردوم یوخودان ، گول سارالیب ، گونده باتاندا
کور و کر و لال و فلج و بی ثمر اولدیم
دیز اوسته تقلّا ایلَدیم سازی چالاندا !
باغدان اِشِیگه چیخدیم و باقلی قاپو قالدی
دوشدوم ال _ ایاق آستینه درگاهی آچاندا
بایرام گونی یاتدوم ، چمنین رونقی گِدّی
صحرایه گدیب ، قیش سویوقی جانی آلاندا
افسوس اوتی یاندوریری باشدان _ ایاقیم
هر یرده و هر لحظه ، اویاق یا که یاتاندا
هشدار ! که سو ایستری گلزار جوانلیق
یوخدی اثری یاق_یاقیشین ، فصل خزاندا
شاعر : #عباس_دمیرچی
https://www.instagram.com/tv/CfGBB2gIBUp81A3HIyWNaH1R4NzssM8cBC4XP00/?igshid=YmMyMTA2M2Y=
@abbas_damirchi