Get Mystery Box with random crypto!

محمد عطية - الآسك

لوگوی کانال تلگرام aboans08 — محمد عطية - الآسك م
لوگوی کانال تلگرام aboans08 — محمد عطية - الآسك
آدرس کانال: @aboans08
دسته بندی ها: وبلاگ ها , توصیه ها
زبان: فارسی
مشترکین: 27.57K
توضیحات از کانال

هذه الصفحة ليست رسمية عن الشيخ محمد عطية وهو ليس مشرفاً عليها، هذه الصفحة أنشئت بمحبة منا للشيخ .

Ratings & Reviews

3.00

3 reviews

Reviews can be left only by registered users. All reviews are moderated by admins.

5 stars

1

4 stars

0

3 stars

0

2 stars

2

1 stars

0


R
ReemShi

لو سمحت هو انا ينفع اشغل موسيقى او اغاني ليها رقص معين للتخسيس لان انا جربت الطريقة دي اسبوع و خسيت فعلا فرق جامد بس حسيت بالذنب الصراحة و خايفة


آخرین پیام ها

2023-05-31 23:04:46 ابو انس لطفا... خطيبي أصيب بسرطان الدم شافاه الله.. انصحني ازاي اساعده نفسيا واكون جزء من علاجه... قولي ازاي اتعامل معاه واحسسه اني جنبه لحد م نكتب الكتاب بس..


ج/ لله ما أكرمك .. وأكرم أهلك !

يعني أنت مش بتسألي أستمر ولا لأ .. عشان أقولك محدش يقدر يجبرك .. وكده ؟!

دنت بتتكلمي بنبرة حاسمة .. ومحتارة ازاي بس تعرفي تدعميه وتقوليله ما تقلقش، هتعدي .. هتبقى زي الفل .. ما تضعفش .. كلنا معاك وحواليك ..

مستنيينك .. تبعتي له رسالة دعاء وتثبيت قبل كل جلسة .. وتروحي مع والدك مرة بعد مرة تزوريه وتشدي من أزره .. لحد بس ما تكتبوا الكتاب عشان تقدري تكوني جنبه أكتر ؟!

الأمثلة اللي زيكم دي بتبهرني حد العجز والخجل إني ممكن أوجه لكم كلام !

هدعيله كتير .. وهدعيلك ..

رب يلطف بكم ويعافيكم ويسلمكم .. ويكتب لكم كل خير ..

وعايز أقولك أيا كان اللي هيحصل = افخري بنفسك وبقلبك ده .. واحمدي ربنا على كل حال.

- محمد عطية
934 views20:04
باز کردن / نظر دهید
2023-05-31 16:15:41 امتی اقول اني فعلا بحب ؟!


ج/ تتغير فيك طباع ما ظننت أن تتغير يوما
شجاع بعد جبن .. كريم بعد بخل .. ملتزم بعد ضياع !

ملامحك تنطق أن هاهنا شيء جديد .. جميل

قلبك صادق .. وجوارحك تراقب .. ورجاؤك يتنفس بحسن الظن..

صامت في صخب .. لا تنطق بالعيب !

المحب يحفظ .. مهما تعذب..

يقدم في حلال .. أو يتنفس تحت ظل الآمال ..
هذا الحب .. كما أفهمه.

- محمد عطية.
1.7K views13:15
باز کردن / نظر دهید
2023-05-31 15:40:34 س: مرحبا ي شيخنا زوجي بعصب كثير احيانا بسب الدين اعمل ايه ي شيخ؟ و بيهتم لرأي خواتو اكثر وانا رأيي مو مهم عندو! كل ما اشاورو بحاجة بقلي شوفي خواتي اعمل ايييييه انا؟

ج/ يعني مشكلتك إنه بيسب الدين، ولا بيسمع رأي إخواته؟!

واللي بيسب الدين ده كان بيصلي أيام الخطوبة ولا قلتم ربنا هيهديه بعدين؟!

.......

س: بيسب الدين طبعا هو ما كان يصلي فعلا ايام الخطوبة !

ج/ معنديش كلام للأسف.

- محمد عطية.
1.7K viewsedited  12:40
باز کردن / نظر دهید
2023-05-30 13:58:06 س: خطيبى اْعترف ليا اْنه كان عنده ماضى علاقات مثليه وتاب وعالج المشكله نفسيا ودينيا من سنين هو شخص طيب بدرجه كبيره ومتدين وصاحب سيره حسنه اْقبل بيه؟


ج/ رأيي !

ارفضي .. لكن بعد ما تعطيه نصيحة إنه معدش يجيب سيرة ده لحد خالص.

مرحلة وينساها تماما من حياته .. كأن لم تكن.
طب ترفضي أنت ليه ؟!

عشان يتعلم هو الدرس.

وعشان مكنش ينفع تعرفي حاجة زي دي؛ لتكون العلاقة طبيعية وصحية.

.....

س: طيب هو لو كان مقاليش ليا هل حضرتك تنصح بيه طلما تاب وعالج المشكله واْستئصالها وبقى زى اْى جد؟


ج/ طبعا !

التائب من الذنب = كمن لا ذنب له.

- محمد عطية.
2.5K views10:58
باز کردن / نظر دهید
2023-05-30 13:52:23 ياشيخ انا امي مطلقه وبابا مانعني اشوفها وانا عايزة اشوفها افدني ؟


ج/ شوفها .. من وراه !

يا آباء .. يا أمهات .. اتقوا الله !

لو مقدرتوش تكملوا كزوج وزوجة .. كملوا كأب وأم على قدر المسؤولية .. ولا تصفوا حساباتكم من خلال الأولاد .. اتقوا الله وخافوا عقابه.

مش هينفع حد منكم حجة أصله عمل ، أصلها سوت .. هذا ظلم، والله لا يحب الظالمين.

- محمد عطية.
2.3K views10:52
باز کردن / نظر دهید
2023-05-29 14:39:5720. من استغني فنحن عنه اغني

ج/ والله يسهل عليه .. ويعوض علينا بخير.


- إقتباس من مجموعة أسئلة مهمة على توتير...
لمن أحب قراءة الثريد ، اللينك تجدوه في أول تعليق
2.7K views11:39
باز کردن / نظر دهید
2023-05-29 14:01:31 س: خطيبى دايما يتخانف معايا على اللبس .. مع انى ملتزمة و محتشمة فى لبسى .. بس هو دايما يتخانق معايا بسبب علاقة قديمة كانت دى سبب عدم اكتمالها .. اخر مرة كان عشان مش عايزنى البس الوان تليق على بعض ولا ألوان اصلا اعمل


ج/ لازم وقفة !

يا يتخلص من آثار ما مضى ويعقل .. يا فيه كلام تاني.

......

س: غير السائله.. ممكن ترد يا شيخ .. انا لو كنت مرتبطه بشخص قبل خطيبي المفروض اقوله واحكيله مع العلم أن حصلت تجاوزات مع الشخص الاولاني ربنا يغفرلي


ج/ إياك تنطقي !

توبي لله واستغفريه .. وبس


- محمد عطية.
2.7K viewsedited  11:01
باز کردن / نظر دهید
2023-05-28 20:39:03 انا بكلم شباب في شات وانتقلت الى كلام هاتفيا واريد ان اتوقف كيف لي وقت فراغ كبير ؟!


ج/ الفراغ يا حبيبتي ليس عذرًا لفعل المعاصي، " اغتنم خمسًا قبل خمس، .... ومنها: فراغك قبل شغلك"

إنما لو امتلأ فراغ القلب بالخشية لارتدع عن فعل للمعاصي ولو ظلت كل حياته مساحة بيضاء لا شغل فيها..!

ففتشي عن قلبك، المؤمنون تزيدهم السورة إيمانًا، تزيدهم الآية إيمانًا، يحفزهم الوعد، ويكفهم الوعيد، يحذرون الآخرة ويرجون رحمة ربهم، يستمعون القول فيتبعون أحسنه، يؤتون ما آتوا وقلوبهم وجلة تعلم أن مردها إلى الله، إذا سمعوا آيات الله تتلى اقشعرت أبدانهم، ووجلت قلوبهم، واهتدوا وزادهم ربهم هدى..
فهل أنت منهم؟!

إذا وجدت نقصًا فأكملي، وإن مررت بفتق أحدثته الدنيا فارتقيه، وعليك بالمكفرات؛ الصلاة إلى الصلاة مكفرة لما بينهما، والجمعة إلى الجمعة، ورمضان إلى رمضان، والعمرة إلى العمرة، فلا تدعي باب توبة إلا دخلت منه، وعظمي في نفسك كتاب الله، الله يقول: " واعلموا أن الله يعلم ما في أنفسكم فاحذروه"، ويقول: " أم حسب الذين اجترحوا السيئات أن نجعلهم كالذين آمنوا وعملوا الصالحات سواء محياهم ومماتهم ساء ما يحكمون" ويقول: " فلا تخضعن بالقول فيطمع الذي في قلبه مرض وقلن قولا معروفا" ويقول: " ذلك أدنى أن يُعرفن فلا يؤذين " ويقول: " توبوا إلى الله جميعًا أيها المؤمنون"

إذا نزلت آيات الله من قلبك منزلة التعظيم والإجلال، انتهى عن أزّك إلى سفاسف الأمور، ومذيب الصالحات، ومحبطات الأعمال، وناهشات السعادة، وإذا وعيت أن الموت يخطف المرء الصحيح والسقيم فلا فرق استيقظ قلبك فكففت عن السوء خشية أن يأتيك الأجل وأنت على هذا الحال، وإذا هالك موقف حمل الأوزار يوم القيامة فوق أوزارك، وثقل الظهر واشتد الكرب على رؤوس الأشهاد، وجل قلبك من أن تكوني حائلًا بين شاب وبين الله، تغوينه وتغرينه فلا يلتفت بك إلى الآخرة وهو أول خصومك في القنطرة عند ملك الملوك: يا رب أضلتني، يا رب أغوتني..!!

والمؤمن والمؤمنة لسان حالهم في هذا الزمان وفي كل زمان: اللهم سلم سلم، ربنا لا تجعلنا فتنة.

يا بنتي احذري اللعب، والطامة أن يسهل عليك فتعتادينه، ثم تحللينه - لا قدر الله-..

يا بنتي الفتاة يعظم قدرها في نفسها إن كفت قلبها عمن لا يحل لها ولا تحل له، وصانت مشاعرها من بذلها لغير حبيبها، وحفظت جوارحها من إنفاقها على من هب ودب، الفتاة يعلو شأنها كلما كانت عزيزة، بعيدة المكان، مقصورة الطرف والحب، محفوظة، حافظة، وتعلو قيمة حبها كلما حافظت عليه من صرفه في غير وجهه ومكانه وبستانه..

يا بنتي الحياء ثوب الصالحات، الحياء جُنّة، الحياء فضيلة، الحياء عافية، الحياء زينة، الحياء وسام، الحياء عرش، الحياء نور، "الحياء خير كله"

وهذا زمان فاضل، وأيام عظيمة، وليال شريفة، فاضربي لك فيها مع الفائزين بسهم، واتقي الله يجعل لك مخرجًا ويرزقك من حيث لا تحتسبين..

أسأل الله أن يحفظ قلبك من الزيغ والهوى، وأن يرحم ضعفك، ويهديك إلى أرشد أمرك، ويسعدك سعادة الدنيا والآخرة، ويتوب عليك..

- أفنان الجعر.
2.9K views17:39
باز کردن / نظر دهید
2023-05-28 19:57:16 س: كيف اجد فتاه ذات اخلاق ودين حافظه لكتاب الله ولو وجدتها كيف اقنعها ان ترضي بالزواج من شخص متزوج معادله صعبه فكيف تتحقق ؟

ج/ سؤالك نفسه غلط !

غلط من ناحية المواصفات .. وغلط من ناحية الإقناع ..

ده بيكون استعداد راجع لشخصيتها ولشخصيتك.

......

س: يادي الوكسه ولما هي ع دين وخلق هترضي تبقا دره ي حنين حتي لو ده الشرع ؛ اتق الله ف زوجتك


ج/ اسمحيلي أقولك: الوكسة على فهمك !

هل يعيبها ما رضيته أمهات المؤمنين وفضليات نساء الأمة ؟!

.......

س: رجاء التوضيح ايه الغلط ؟!


ج/حافظة كتاب الله !

ده مش شرط .. المهم تكون بتطبق كتاب الله وتقدمه على هواها ..

قلت راجع لشخصيتها لأن مش كل حد يقدر يتعامل مع وضع زوجة ثانية ..

محتاجة قدر من الحكمة والصبر والذكاء.

وراجع لشخصيتك لأن المرأة ممكن توافق على ده مع رجل دون غيره .. لما يتوفر فيه من طيب وصبر وحكمة وعدل .. وحب.

......

س: لا يعيبها شئ طبعا ؛ بس مش ف مجتمعنا دلوئتي..


ج/ لا يعيبها في كل (وئت) !
وليذهب المجتمع خلف الشمس ..

- محمد عطية.
2.7K viewsedited  16:57
باز کردن / نظر دهید
2023-05-28 19:52:22 خطيبى حصلت ليه حادثه واْصيب بالشلل اْنا عاوزه اْسيبه بس حاسه بالذنب برده ساْلت شيخ قالى مافيش مانع ولكن حاسه اْنه مش اْنسانيه اْسيبه وفى نفس الوقت عادى وده حقى واْنا مش قد البهدله ولا قد المشكله اْعمل اْيه؟

ج/ محدش يقدر يجبرك طبعا !

لكن سألتك بالله ارحلي بألطف صورة ممكنة .. لا تجمعي عليه ألمين.

والله يتولاه ويعافيه ويعوضه خير الدارين ..

- محمد عطية.
2.4K views16:52
باز کردن / نظر دهید