2022-07-13 20:07:57
السلام على كفيل زينب
،،،،،،،،،،،،،،،،،،،،
صعبه كلش هايه من اسولف بيهه
انت تكفل زينب والشمر يسبيهه
،،،،،،،،،،،،،،،،،،،،،،،،،،
ردت اسولف وسكتت ما سولفتهه
صعبه ادري حچايتي ولا ما گلتهه
زينب اختك وانت اخوهه الدللتهه
شلون يسبيهه الشمر وانت كفلتهه
ما تجي عله لساني وما گدرت احچيهه
أنت تكفل زينب والشمر يسبيهه
،،،،،،،،،،،،،،،،،،،،،،،،،،،
هاي زينب وأنت كافلهه وذخرهه
وياك اجت مهيوبه يا خيمة سترهه
بت علي ومعروف للوادم خدرهه
ما اگلك من رحت يا هو السطرهه
عگب هيبة رايتك للسبي يوديهه
أنت تكفل زينب والشمر يسبيهه
،،،،،،،،،،،،،،،،،،،،
من اسولف تخجل الچلمات كلهه
وين عن زينب اخوهه ووين اهلهه
شلون تمشي بلايه عباس الكفلهه
أبد ما چان السبي يوم باملهه
ما اجت عالخاطر تمشي وتخليهه
أنت تكفّل زينب والشمر يسبيهه
،،،،،،،،،،،،،،،،،،،،،،،،،
صعبه يا عباس لو راحت سبيه
هاي بت المرتضى وبت الزچيه
وين هاشم عن هذيچ الهاشميه
خاف يشتمهه الدعي وبن الدعيه
زينب بديوانهم واگفه مخليهه
انت تكفّل زينب والشمر يسبيهه
،،،،،،،،،،،،،،،،،،
وياك اجت والرايه عالحره انشرتهه
مدلله وطول الدرب ما فارگتهه
تدري وين الحره وداهه وكتهه
يا كفيل الخدر زينب من عفتهه
ظلت بلا كافل والهضم ماذيهه
أنت تكفّل زينب والشمر يسبيهه
،،،،،،،،،،،،،،،،،،،،،،،
خادم العباس ابو اسحاق الفحام
118 views17:07