بسم الله الرحمن الرحيم باسم مولانا امير المؤمنين علي ع تمت | الشاعر حسين النوري ( ابو إيليا )
بسم الله الرحمن الرحيم باسم مولانا امير المؤمنين علي ع تمت كتابة قصيدة لخادم امير المؤمنين علي عليه السلام، وعاشق علي الحقيقي فعلا وقولا وقلما الشيخ عبد الحسين الاميني ( اعله الله مقامه) عنوانها (الغدير غديره ) صاحب موسوعة الغدير التي استغرق في كتابتها أربعين ٤٠ عام قرءا الف كتاب وراجع مائه كتاب ... بذل حياته بخدمة امير المؤمنين علي عليه السلام ________
العاشگ بالفعل مو لقلقة چلمات والشيخ الامين اقرب دليل اثبات
حياته سبحة تبدي وتخلص بتأليف وحبر قلمة انطبع من لونه بالصفحات
ولو عوز حبر من شَعَره يكتب چان لذلك شعره الاسود يبقى بس شيبات
موسوعة غديرة چانت الشريان يضخ من گلبه مو دم لا يضخ وجدان
وچفة من الكتابه إمحير الكتاب. يتعب قلمة بس ما تعبت الذرعان
حق حيدر يثبت بمصدر اهل الغير والآف الكتب مرصوصةعل حيطان
بخ يا علي شگد گالت الانفاس وگام الفج يتچي من تعب للسان
ظاهرهم نبع بس بالعطش صحراء كلهم ذولا حافظهم حفظ الاسماء
واليغدر اكيد يثبته بالتاريخ مجلد لو صحف والشاهد القراء
والرايد علي من يمة كون يفوت وبالموسوعة يدخل يوقف استقراء
يبحث عن وجوده باسطر الاوراق وبلكت اسمه مر بخدمة الزهراء
لو نقطة بسطر هم يفرح الكرار فاطم كل شعوره اعظم الاسرار
اخذ تعب الاميني وسهرة من الليل وخل بخدمتك تفتر عليك اقمار
واكتب عالشمس هذا الخدم مولاه. وخل بكل نجم تزداحم الافكار
. هذا بعشگه ثابت كل وکت تلگاه يندار الوکت بس هو ما يندار ---------------------------------------------- تمت ببركة ببركة صاحب بيعة الغدير امير المؤمنين علي (عليه السلام)، وخادمه الشيخ عبد الحسين الاميني ( قدس سره) الجمعة 15\7\2022 م ١٥ ذوالحجه ١٤٤٣ ھ #الشاعر_السيد_حسين_النوري
