2020-08-13 15:55:42
-علي نصيحة مني بطل تفكر فيها، أنت وياها سما وأرض، هي صغيرة عليك، وممكن ماتحبك وتحب..
-أمانة لاتكفي يا اسراء أنا بحبها، مابتخيل حياتي بلا ورد، أنا بعرف هي صغيرة، وبعرف إنو أمها ما بتحبنا، واحتمال كبير انرفض، بس مش ممكن اسمح تكون لغيري، أنا لو ماكانت من نصيني مش رح تكون من نصيب غيري، بس بدي منك تقربي منها..
-بس..
-بلا بس أمانة، هي حبابة وطيوبة بس أمها يلي مابتحبنا، انتي انسي امها وركزي معها بس مشاني ومشان اقدر سافر وأنا مرتاح..
"يمكن صرلي أربع سنين بفكر فيها بشكل جدي، وبفكر بكل العوائق يلي بتمنعنا نكون لبعض، هي بتكون بنت عمي وهي يتيمة أب وأنا يتيم أم، وهي أصغر مني بتسع سنين، بس أنا حبيتها، كتير مرات بقول ياريت السما تهديني ياها ع شكل حبة مطر، تبردلي قلبي من كل شي مرقت فيه"
-مسافر!!
-اي بكرا، بس انتبهي ع حالك وعليها، بعرف رح اتركك هون لحالك، بس أنا مجبور..
"مرقو هالسنتين متل الجمر، يلي كان يصبرني ع السفر حكي اسراء، إنها بتسأل عني، وبعد ما حبت، وعم تدرس منيح، يعني بأيام هالسفر كانت أخبارها وجبتي الوحيدة بعد صيام يوم طويل، لما رجعت وشفتها كان شعوري بيشبه شعور أم ضاعت وحيدتها، وفجأة لقتها جاية من بعيد بإيد وحدة!"
-الحمدالله ع سلامتك، هيك بتروح بلا ما تودعني!
-كنت رح احكيلها بس أنا حتى قلبي تركتو معك، بس قلتلها كان بسرعة وانتي كنتي تدرسي..
-المهم رجعتك بالسلامة.. أنا نجحت بالبكالوريا مابدك تقلي مبروك؟.. ورح ادرس متلك.
-بحبك
-شو
-قصدي مبروك ياورد مبروك
-فكرت حالي سمعت شي تاني، يلا ع العموم وأنا كمان الله يبارك فيك.
"حكت هيك ومشيت، صرت قول لحالي شو هي حكت، بس بعدين قلت عم اتوهم أكيد، مرقت سنة كانت تضل تزورنا"
-علي قوم طلعنا مشوار أنا وإسراء
-بعدين ياورد بعدين عم احكي مع رفيقي
-علي... علي.... علي... بحبك
تركت الموبايل فوراً
-شو قلتي
-ماقلت شي بس بقلك اي ماشي يلا باي
يمكن بعد ما سمعت هالكلمة ماكان فيني خليها تروح وتتركني بسرعة مسكت إيدها كانت ترجف كانت خايفة
-ورد شبك ليش هيك خايفة
-ليش أنت هيك قمت خوفتني
-شو قلتي
-ولاشي والله ولاشي
يمكن بعد ما حلفت أنا بلشت اقتنع إنو هي ما قالت شي بس أنا بتوهم، مرق اسبوع ماكانت تزورنا أبداً، لحتى خليت إسراء تعزمها لعنا بس إجت بسرعة أخدتها أنا
-حبيني
-نعم
-عم قلك حبيني ياورد
-لا أنت قلت حبيني بس ما قلت حبيني ياورد
-يعني أنت هلأ ماعندك اعتراض غير لأن ما قلت حبيني ياورد!
-لا طبعاً عندي كل الإعتراضات
-ما أنتي لو ما بتكوني إلي ما بتكوني لغيري أنا بموتك وبموت حال
-اي لا تكمل لا تكمل شو هالحب الدموي هاد لك أنا قص
-لا بدي كمل أنا بح
- لك خليني احكي
-لا أنا يلي بدي احكي بالأول
-ورد اعقلي وبلا جنان أنا يلي بدي احكي بالأول
-ليش أنا مجنونة ياعلي! انا مجنونة
-ييييييي علينا نسيتي كل شي وركزتي ع هالكلمة
-لكن انا مجنونة افتحلي الباب لشوف الحق علي
-أنا المجنون أنا والله بس اسمعيني
-لا سمعني انت اول
-لا أنا اول
-اي خلص انت وياها لا انت ولا هي أنا يلي بدي احكي، حبو بعض وريحوني، خلوني اعرف نام، بكفي هي بتفيقني بنص الليل بتقلي علي ليش ما بحبني، وانت بتفيقني وجه الصبح ورد ليش لسا ما أجت
-انا انا انا ما كنت فيقك بالليل لا تصدقها ياعلي، وبعدين أنتي ياحشرية شو فوتك لعنا يلا اطلعي لبرا، وأنت يعني بعدين معك مو ناقص غير طعميك ياها أو اتقدملك واخلص، اي بحبك شو يعني.
وقف قلبي بهديك اللحظة طلعت بتحبني طلعت ماعم اتوهم بكل شي، الفرحة يلي حسيت فيها بعد ما نطرت عمر كامل مش ممكن تنوصف.
-ورد وأنا بحبك
-بعد شو بعد ما نشفتلي قلبي
-ريتو قلب اسراء ولا قلبك..
-شو شو شو بلشنا رومانسيات، واسراء صفت بلا عازة الله يرحم بس.
مرقت فترة شهر من الأحلام هي كانت مجنونة وأنا تخليت عن العقل معها...
-علي قوم بسرعة يلا
-اسراء شوي وبقوم حلي عني سهران مع ورد للصبح
-علي ورد امها رح تخطبها قوم بسرعة
قمت متل المجنون، إنك تتعب لتوصل لشي طول عمرك بس بالنهاية حدا يحاول يجي ياخدو ع الجاهز بتحس قلبك انقسم نصين، ماقدرت اتحكم بحالي ورحت لعند مرت عمي واتخانقنا، وقالتلي أنت لو أخر واحد بالكون بقتل بنتي ومابتاخدها، جمد عقلي، ولما دقتلي وهي تبكي ماعاد عرفت شو أعمل، هي إلي انا، انا وبس، حسيت قلبي بيشبه عصفور يتيم صحاب البيت خربولو العش، وصفي بلا عش، وبلا أم، وبلا أي شي.
-إسراء خدي هاد الورق وروحي لعند ورد خليها توقع عليه، حاولي قد ما بتقدري تشوفيها وتخليها توقع
-شو هاد
-شي ما بهمك خلي ورد توقع عليه
-واذا ما قبلت
-احكيلها هاد رابط الثقة بينك وبين علي وبس.
راحت اسراء وأنا إيدي ع قلبي، حسيت حالي حدا مشلول، مش قادر اتحرك ولا أعمل أي شي، وخصوصي إنها ورد ما قبلت نطلع هريبه. اجت اسراء بعد ساعة وقالتلي وقعت، حسيت قلبي ارتاح كتير، اليوم موعد خطبة ورد، خطبة البنت يلي قلبها حبها، لبست وطلعت قبل بوقت وودخلت ع الخطبة متأخر، كل العيون كانت عليي أنا، لأن الكل بيعرف قديش
264 viewsَّسنِيِّوِريِّتّأّ أّلَعٌربِيِّ, 12:55
ن
