وفد الوطن يبحث لمستقبل وطن والمرتزق ما همه إلا المصلحة باع ال | قناة شاعر الشباب/أبو شهيد

وفد الوطن يبحث لمستقبل وطن
والمرتزق ما همه إلا المصلحة

باع الكرامة والوفاء وبلا ثمن
يا نعنبا وجه العماله ما اقبحه

حرام حرم الدم يا كل الخون
ما نسمحه من خاننا ما نسمحه

هذا قرار الشعب لو طال الزمن
من هو تجنا بانجيه ونطرحه

لولا عبيد المال خُدّام الوثن
ما كان شفنا كل ساعه مذبحة

ولا كان سواها السعودي بالعلن
لولاه يستخدم ذيوله ممسحه

يستهدف الأطفال ويهد السكن
ولا ترك بالقصف حتى الأضرحة

ملعون يا قرن الخيانة والفتن
ما شفت غير الحر قرنك ينطحه

ما تدري إنا لليمن ثم لليمن
بانفتح اللي ما سوانا يفتحه

بالبندق الآلي والاربيجي سفن
خلوا البرامز مثل حب المسبحه

يا من يبا صنعاء وعاده في عدن
كلب الخواجة كل لحظه ينبحه

من دون صنعاء الموت الأحمر والكفن
من يقترب من نارها باتلفحه

قل للمنافق ما خضعنا للمحن
كم ذا وعاد إحنا عليها ننصحه

لا يحملوا منا خضوع ولا وهن
للموت ما يرجع عبيد المصلحة

#بقلم_الشاعر_محمد_أحمد_مفلح #امريكا_تقتل_الشعب_اليمني
#مشاورات_السويد
#وفد_صنعاء
#أنفروا_خفافا_وثقالا
لمتابعتنا على التيلجرام
https://t.me/joinchat/AAAAADwjYtLdOZZL04uGDA