هذا الزمن فيه الجميع اتغربل واتميّز المؤمن من الفرعوني من هو | قناة شاعر الشباب/أبو شهيد

هذا الزمن فيه الجميع اتغربل
واتميّز المؤمن من الفرعوني

من هو مع الله ضم والا سربل
حدد مكانه في الصراع الكوني

ما عادها في زيد وأحمد حنبل
قد هي مع الأمريكي الصهيوني

كم روج إعلام الغزاه وطبّل
في تغطية عدوانه المأسوني

هل يعقل أصدق كلامه واقبل
واكذّب الواقع وشوف عيوني

الأطفال تقتل والحصار مدبل
الإجرام وحشي والدمار جنوني

خطف النسا .. قطع الطريق المسبل
بسم المعونة والقنابل عوني

ما صدّقه جاهل ولا حتى اخبل
قتلي يحررني واعيش بدوني!

مجرم وعاده لا طلع يتبلبل
وانه بسكّينه يداوي طعوني

والمشكله باللي معه يتسحبل
عاده كذاك مغلق الطبلوني

كرامة الصرصور دعسة شنبل
لو تغسله بالماء والصابوني

سقها وطربل والعدو بايضبل
ونهايتك تحت الخزا مدفوني

كني اشوفك من ورا ابو زعبل
مسجون تكمل حكمك القانوني

خاين وبقيود الرياض مكبّل
تقضي حياتك في المقام الدوني

الايام باتنبيك بالمستقبل
والنصر لابطال اليمن مضموني

من حيث ما حبلت سعيده تحبل
ما جت بسوداني ولا تكروني

سلام يأتي من منصة نوبل
لا خير فيه وما عليه ركوني

لا لا تمد الغصن حتى يذبل
عاد البنادق تشفي المغبوني

من يشتحط لا عاد حد يتهطبل
ولى زمن الاصحاب بايكفوني

لاعظم رجال الكون وأشرف وانبل
خاب العدو واستنفذ المخزوني

#بقلم_الشاعر_محمد_أحمد_مفلح
#امريكا_تقتل_الشعب_اليمني #محرقة_الساحل_الغربي
#أنفروا_خفافا_وثقالا
لمتابعتنا على التيلجرام
https://t.me/joinchat/AAAAADwjYtLdOZZL04uGDA